નવી દિલ્હી (ન્યૂઝફર્સ્ટ) : ભારતમાં નાણાકીય વર્ષ દરમિયાન ડાયરેક્ટ ટેક્સ કલેક્શનમાં મજબૂત વધારો નોંધાયો છે. ૧૪ ઓક્ટોબર સુધીમાં નેટ ડાયરેક્ટ ટેક્સ કલેક્શન ૧૩.૨% વધીને ₹૧૩.૩૮ લાખ કરોડ પર પહોંચી ગયું છે. આ સમયગાળા દરમિયાન ગ્રોસ કલેક્શન વાર્ષિક ધોરણે ૧૪.૮૯% વધીને ₹૧૬.૦૩ લાખ કરોડ નોંધાયું છે, જ્યારે રિફંડની રકમ ૨૪.૨૨% વધીને ₹૨.૬૫ લાખ કરોડ થઈ છે.

ટેક્સના મુખ્ય ઘટકો પર નજર કરીએ તો, કોર્પોરેટ ટેક્સનું નેટ કલેક્શન ૨૦.૬% વધીને ₹૫.૯૯ લાખ કરોડ થયું છે, જ્યારે નોન-કોર્પોરેટ ટેક્સ ૫.૮% વધીને ₹૬.૯૨ લાખ કરોડ પર પહોંચ્યો છે. આ ઉપરાંત, શેરબજારના વ્યવહારો પર લાગતો સિક્યોરિટીઝ ટ્રાન્ઝેક્શન ટેક્સ (STT) ગત વર્ષના ₹૩૦,૯૦૨ કરોડની સરખામણીએ ૫૧.૩% વધીને શાનદાર ₹૪૬,૮૪૦ કરોડ થયો છે.