નવી દિલ્હી :દિવાળી પહેલા જ દિલ્હીની હવાની ગુણવત્તા અત્યંત ખરાબ બની છે. રાજધાનીના અનેક વિસ્તારોમાં એર ક્વોલિટી ઇન્ડેક્સ (AQI) 400ને પાર પહોંચતા પ્રદૂષણની સ્થિતિ ગંભીર બની છે. હવામાં પ્રદૂષણનું સ્તર વધતાં તંત્ર દ્વારા GRAP-2 લાગૂ કરવામાં આવ્યું છે. ગુરુગ્રામમાં બાંધકામ સાઇટો બંધ કરાવી દેવામાં આવી છે, જ્યારે ઇમારતો તોડવાની કામગીરી સહિત બાંધકામ અને ખોદકામના તમામ પ્રોજેક્ટ્સ પર રોક લગાવવામાં આવી છે. આ ઉપરાંત સરકારી અને ખાનગી કચેરીઓમાં વર્ક ફ્રોમ હોમ લાગૂ કરવાનો નિર્ણય લેવાયો છે. નિયમોનો ભંગ કરનારાઓ સામે કડક કાર્યવાહી કરવાની પણ સૂચના આપવામાં આવી છે.