તા. ૧૦ સપ્ટેમ્બર ર૦ર૫ વિક્રમ સંવત ર૦૮૧ ભાદરવો વદ – ૩ બુધવાર
News of Tuesday, 17th November 2026
દિલ્હીથી પટણા માત્ર સાડા ચાર કલાકમાં: કેન્દ્ર સરકાર દ્વારા અંદાજે ૧૫૦૦ કિલોમીટર લાંબા ઉત્તરી બુલેટ ટ્રેન કોરિડોરને મળી મંજૂરી
મુંબઈ-અમદાવાદ પ્રોજેક્ટ બાદ દેશના આ બીજા હાઇ-સ્પીડ રેલ નેટવર્કથી ઉત્તર અને ઉત્તરપૂર્વ ભારતના પ્રવાસ સમયમાં ક્રાંતિકારી ઘટાડો થશે.

નવી દિલ્હી : કેન્દ્ર સરકાર દ્વારા દેશના માળખાગત વિકાસને નવું પરિમાણ આપવા માટે આશરે ૧,૫00 કિલોમીટર લાંબા મહત્વાકાંક્ષી ઉત્તરી બુલેટ ટ્રેન કોરિડોરને સત્તાવાર રીતે મંજૂરી આપવામાં આવી છે, જે રાજધાની દિલ્હીને ઉત્તર પ્રદેશ, બિહાર, પશ્ચિમ બંગાળ અને આસામના મુખ્ય શહેરો સાથે જોડશે.
મુંબઈ-અમદાવાદ હાઇ-સ્પીડ રેલ પ્રોજેક્ટ બાદ આ ભારતનો બીજો મોટો હાઇ-સ્પીડ રેલ પ્રોજેક્ટ હશે, જેનો મુખ્ય ઉદ્દેશ્ય દિલ્હી અને ઉત્તરપૂર્વ ભારત વચ્ચેનું અંતર ઘટાડીને મુસાફરીને અત્યંત ઝડપી અને સરળ બનાવવાનો છે.
આ હાઇ-સ્પીડ સેવા શરૂ થવાથી બિહારને સૌથી મોટો ફાયદો થશે, જ્યાં બક્સર, પટણા, બેગુસરાય, ખગરિયા અને કટિહાર સહિત કુલ પાંચ મહત્વપૂર્ણ સ્ટેશનો પ્રસ્તાવિત કરવામાં આવ્યા છે, જેનાથી પટણા સુધીની સફર માત્ર સાડા ચાર કલાકમાં પૂર્ણ થશે.
ત્રણ તબક્કામાં વિભાજિત આ વિશાળ બાંધકામ પ્રોજેક્ટનું ભાડું હવાઈ મુસાફરી કરતા ઓછું રાખવામાં આવશે તેવી અપેક્ષા છે, જેથી સામાન્ય નાગરિકો પણ પરવડે તેવા ખર્ચે આધુનિક સુવિધાનો લાભ મેળવી શકે.
આગામી સમયમાં આ હાઇ-સ્પીડ રેલ કોરિડોરનું નિર્માણ કાર્ય પૂર્ણ થયા બાદ દેશની અર્થવ્યવસ્થા, પ્રવાસન અને વેપારી ગતિવિધિઓને અભૂતપૂર્વ વેગ મળશે તથા લાંબા અંતરની મુસાફરી વધુ આરામદાયક બનશે.
(8:06 PM IST)









છેલ્લા 8 દિવસમાં સૌથી લોકપ્રિય 
