ગંગટોક : રક્ષામંત્રી રાજનાથ સિંહ રવિવારના રોજ સિક્કિમમાં નાથુ લા સરહદ નજીક શેરેથાંગ ખાતે પહોંચ્યા હતા. અધિકારીઓએ આપેલી માહિતી મુજબ, આ મુલાકાતનો મુખ્ય હેતુ દેશ માટે શહીદ થયેલા બહાદુર જવાનોને સન્માનિત કરવાનો અને દુર્ગમ વિસ્તારોમાં તૈનાત સંરક્ષણ કર્મચારીઓનો ઉત્સાહ વધારવાનો છે.

આ વિશેષ મુલાકાત દરમિયાન રક્ષામંત્રી શેરેથાંગ યુદ્ધ સ્મારકની મુલાકાત લીધી હતી. આ યુદ્ધ સ્મારક પૂર્વ સિક્કિમમાં નાથુ લા નજીક આવેલું છે. તેની સ્થાપના વર્ષ ૨૦૦૮માં કરવામાં આવી હતી, જેથી વર્ષ ૧૯૬૭માં ચીની દળો સામેના નાથુ લા અને ચો લા અથડામણો તેમજ આઝાદી પછીના અન્ય સંઘર્ષો દરમિયાન શહીદ થયેલા યુદ્ધ નાયકોની સ્મૃતિને કાયમ રાખી શકાય.

શેરેથાંગ પહોંચ્યા બાદ રક્ષામંત્રીએ ત્યાં તૈનાત રક્ષણ જવાનો સાથે ખુલીને વાતચીત કરી હતી અને તેમની સાથે સમય વિતાવ્યો હતો. કઠોર હવામાન અને મુશ્કેલ પરિસ્થિતિઓમાં પણ સરહદની ચોકી કરતા જવાનોનું મનોબળ વધારવા માટે આ મુલાકાત અત્યંત મહત્વપૂર્ણ માનવામાં આવી રહી છે. આ સમગ્ર કાર્યક્રમ દરમિયાન સુરક્ષા અને વ્યવસ્થાની ઉત્તમ તૈયારીઓ જોવા મળી હતી.