પાકિસ્તાનની કરાચી જેલમાં બંધ ગુજરાતના માછીમારનું મોત થતાં પરિવારજનોમાં શોકની લાગણી ફેલાઈ છે. મૃતક બિજલભાઈ ભાલીયા મૂળ ગીર સોમનાથ જિલ્લાના ઉના તાલુકાના કોબ ગામના વતની હતા. બિજલભાઈ વર્ષ 2022થી પાકિસ્તાનની કરાચી જેલમાં કેદ હતા. દરમિયાન તેમનું જેલમાં મોત થયું હતું. ત્યારબાદ વાઘા-અટારી બોર્ડર પર પાકિસ્તાની તંત્ર દ્વારા તેમનો મૃતદેહ ભારતને સોંપવામાં આવ્યો હતો. 

 મોરબી મત્સ્ય વિભાગના અધિકારીએ બિજલભાઈનો મૃતદેહ સ્વીકાર્યો હતો. હાલ મૃતદેહને તેમના વતન કોબ ગામે પહોંચાડવાની કાર્યવાહી હાથ ધરવામાં આવી છે. બિજલભાઈના મોતના સમાચાર મળતાં પરિવારજનોમાં શોક છવાયો છે. સ્થાનિક સ્તરે પણ પરિવારને સાંત્વના પાઠવવામાં આવી રહી છે.