તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
તેહરાનમાં લાગ્યા વિવાદિત હોર્ડિગ્સઃ ટ્રમ્પને મારી નાખવાની ખુલ્લી ધમકી
યુએસ મિડટર્મ ચૂંટણીઓ વચ્ચે તેહરાનના એંગહેલાબ સ્ક્વેર પર અમેરિકી રાષ્ટ્રપતિ વિરુદ્ધ જાનલેવા હોર્ડિંગ્સ લગાવાતાં ભારે ખળભળાટ : પોસ્ટરોમાં રાષ્ટ્રપતિને જેલના સળિયા પાછળ બતાવી બદલો લેવાની ચેતવણી અપાઈઃ નેતન્યાહુ સહિતના સાથી નેતાઓની તસવીરો પણ મુકાઈ છે
તેહરાન, તા.૪: અમેરિકામાં યોજાઈ રહેલી મિડટર્મ ચૂંટણીઓની રાજકીય ગરમાગરમી વચ્ચે પ?મિ એશિયામાંથી એક અત્યંત ચિંતાજનક અને સનસનાટીભર્યા અહેવાલો સામે આવ્યા છે. બંને રાષ્ટ્રો વચ્ચે ચાલી રહેલા સંઘર્ષની વચ્ચે રાજધાની તેહરાનની મુખ્ય સડકો અને ચોક પર અમેરિકી રાષ્ટ્રપતિ વિરુદ્ધ સીધા જાનલેવા ઈરાદાઓ દર્શાવતા વિશાળકાય ર્હોડિંગ્સ તેમજ પેઇન્ટિંગ્સ લગાડવામાં આવ્યા છે. શહેરના પ્રખ્યાત એંગહેલાબ સ્ક્વેર ખાતે મુકાયેલા એક મોટા બિલબોર્ડ પર સ્પષ્ટ ચેતવણી આપવામાં આવી છે અને રાષ્ટ્રપતિને જેલના સળિયા પાછળ લાચાર અવસ્થામાં ચિત્રિત કરાયા છે. આ જાહેરમાં મૂકાયેલા ચિત્રોના કારણે બંને દેશો વચ્ચે રાજદ્વારી સંબંધો સાવ તળીયે બેસી ગયા છે.
રાજધાનીની સડકો પર ટ્રમ્પ વિરુદ્ધ ખુલ્લી ધમકીભર્યા ર્હોડિંગ્સઃ તેહરાનના એંગહેલાબ સ્ક્વેર પર મુકાયેલા ર્હોડિંગમાં અમેરિકી રાષ્ટ્રપતિને માથું ઝુકાવીને લોખંડના સળિયા પાછળ બેઠેલા દર્શાવવામાં આવ્યા છે.
તેના પર સ્થાનિક અને અંગ્રેજી ભાષામાં બદલો લેવાના આકરા શબ્દો અંકિત કરવામાં આવ્યા છે. પૂર્વ સુપ્રીમ લીડર આયાતુલ્લાહ અલી ખામેનેઈના મળત્યુનો બદલો કોઈપણ ભોગે લેવાના સંકલ્પ સાથે આ સમગ્ર વિરોધ અભિયાન સરકારી સમર્થન સાથે છેડાયું હોવાનું માનવામાં આવે છે.
નેતન્યાહુ અને યુએસ નેતળત્વની તસવીરો સાથે બદલાનો સંકલ્પઃ શહેરના અન્ય એક મહત્વના માર્ગ પર વિશાળકાય બિલબોર્ડ લગાવવામાં આવ્યું છે જેમાં અનેક અગ્રણી નેતાઓને એકસાથે દર્શાવાયા છે.
આ ચિત્રમાં અમેરિકી રાષ્ટ્રપતિ સાથે ઉપરાષ્ટ્રપતિ જેડી વેન્સ, વિદેશી દૂત સ્ટીવ વિટકોફ અને ઈઝરાયેલના વડાપ્રધાન બેન્જામિન નેતન્યાહુને પણ સ્થાન અપાયું છે. ચારેય નેતાઓના ચહેરા પર ઈજાના નિશાનો, ફાટેલા સુટ્સ અને પળષ્ઠભૂમિમાં અમેરિકા તથા ઈઝરાયેલના ક્ષતિગ્રસ્ત ધ્વજ દર્શાવીને આક્રોશ પ્રગટ કરવામાં આવ્યો છે.
મિડટર્મ ચૂંટણીઓ ટાણે નવા સૈન્ય સંઘર્ષની વધતી આશંકાઓ-આ પોસ્ટરો એવા સમયે સપાટી પર આવ્યા છે જ્યારે મધ્યવર્તી ચૂંટણીઓ બાદ ઈરાન પર નવા સંયુક્ત સૈન્ય કાર્યવાહીના અહેવાલો મળી રહ્યા છે.
અમેરિકી મીડિયા સંસ્થાઓના દાવા મુજબ પશ્ચિમી સાથી દેશો સંભવિત સૈન્ય હુમલાની તૈયારીઓ કરી રહ્યા છે. આ પરિસ્થિતિને જોતાં સ્થાનિક વહીવટીતંત્રે પોતાના તમામ સંવેદનશીલ પરમાણુ મથકોની આસપાસ હવાઈ સંરક્ષણ સિસ્ટમ તૈનાત કરીને સુરક્ષા વ્યવસ્થા ચુસ્ત કરી દીધી છે.
તજરીશ સ્ક્વેર ખાતે કલા પ્રદર્શની અને જેલ સેલનું મોડેલઃ ઉત્તરી તેહરાનના પ્રખ્યાત તજરીશ સ્ક્વેર ખાતે એક ઓપન એર પ્રદર્શની પણ ગોઠવવામાં આવી છે જેમાં અપમાનજનક પેઇન્ટિંગ્સ રજૂ કરાઈ છે.
એક ચિત્રમાં વિદેશી નેતાને જમીન પર પડેલા દર્શાવાયા છે, જ્યારે અન્ય એક કળતિમાં વિસ્ફોટક બોમ્બ વડે તેમનો ચહેરો ઢંકાયેલો રખાયો છે. આ સ્થળ નજીક પ્રતિકાત્મક જેલ કોઠરી પણ ઊભી કરાઈ છે જેમાં હૂબહૂ દેખાતો અભિનેતા હાજર રહે છે અને બાજુની ડિજિટલ સ્ક્રીન પર બોમ્બમારાથી થયેલા નુકસાનના વિડીયો દર્શાવાય છે.
૧૯૭૯ ની ક્રાંતિ પછીની પ્રચાર પરંપરા અને વધતી કડવાશ- જાહેર સ્થળોએ આ પ્રકારે વિદેશી વિરોધીઓને નિશાન બનાવતી ભીંતચિત્રો અને ર્હોડિંગ્સની પરંપરા વર્ષ ૧૯૭૯ ની ઇસ્લામિક ક્રાંતિ બાદથી ચાલતી આવે છે.
સ્થાનિક તંત્ર પોતાના સમર્થકોનો જુસ્સો વધારવા અને વિરોધી દેશો સામે કૂટનીતિક દબાણ લાવવા માટે કલા અને પ્રચાર સાધનોનો ઉપયોગ કરતું આવ્યું છે. જોકે રાષ્ટ્રપ્રમુખ સામે ખુલ્લેઆમ આવી હિંસક ચેતવણીઓ આપવાથી વૈશ્વિક સ્તરે મોટો સુરક્ષા ખતરો ઊભો થયો છે.
(10:57 AM IST)
છેલ્લા 8 દિવસમાં સૌથી લોકપ્રિય 
