અસમ વિધાનસભા ચૂંટણીમાં કોંગ્રેસના નબળા પ્રદર્શન બાદ પક્ષમાં રાજીનામાનો દોર શરૂ થયો છે. અસમના એઆઈસીસી પ્રભારી જિતેન્દ્ર સિંહ અલવરે ચૂંટણીના નિરાશાજનક પરિણામોની સંપૂર્ણ જવાબદારી સ્વીકારતા પોતાના પદ પરથી તાત્કાલિક અસરથી રાજીનામું આપી દીધું છે. 

  તેમણે ટ્વીટ દ્વારા જણાવ્યું હતું કે, પક્ષના શ્રેષ્ઠ પ્રયાસો છતાં તેઓ જનતાની અપેક્ષાઓ પર ખરા ઉતરી શક્યા નથી. આ હાર બદલ પોતાની ભૂમિકાની નૈતિક જવાબદારી લેતા તેમણે મહાસચિવ પદ ત્યાગવાનો નિર્ણય લીધો છે, જેનાથી અસમ કોંગ્રેસના રાજકારણમાં ખળભળાટ મચી ગયો છે.