મુંબઈના છત્રપતિ શિવાજી મહારાજ ટર્મિનસ (CSMT) ખાતે બુધવારે સાંજે પીક અવર્સ દરમિયાન મધ્ય રેલવેની લોકલ ટ્રેન સેવાઓ ખોરવાઈ ગઈ હતી. તાજેતરમાં યહ જાહેર કરાયેલા રેલવે સૅફ્ટી પરિપત્ર નં. 15 ના વિરોધમાં ટ્રેન મૅનેજરોએ `વર્ક-ટુ-રૂલ` વિરોધ શરૂ કર્યા બાદ આ પરિસ્થિતિ ઊભી થઈ

આ વિરોધને કારણે, અત્યાર સુધીમાં ઓછામાં ઓછી ત્રણ લોકલ ટ્રેન સેવાઓ રદ કરવી પડી હતી, જેના કારણે ઑફિસથી પરત ફરતા હજારો મુસાફરોને અસુવિધા થઈ રહી છે

રેલવે અધિકારીઓના જણાવ્યા અનુસાર, તાજેતરમાં જાહેર કરાયેલા સેફ્ટી પરિપત્ર નં. 15 ટ્રેન ગાર્ડના કાર્યકારી પ્રોટોકોલમાં ફેરફાર કરવામાં આવ્યો જેને હવે `ટ્રેન મૅનેજર` તરીકે નિયુક્ત કરવામાં આવ્યા છે. આના વિરોધમાં, કેટલાક ટ્રેન મૅનેજરોએ દરેક નિયમ અને પ્રક્રિયાનું કડક પાલન કરીને `વર્ક-ટુ-રૂલ` આંદોલન શરૂ કર્યું, જેના કારણે ટ્રેન સેવા પર અસર પડી.

લોકલ સેવાઓ ખોરવાની પુષ્ટિ કરતા સ્વપ્નિલ નીલાએ જણાવ્યું હતું કે CSMT ખાતે કેટલાક ટ્રેન મૅનેજરોએ તાજેતરમાં જાહેર કરાયેલા સલામતી પરિપત્ર નંબર 15 સામે `વર્ક-ટુ-રૂલ` વિરોધ શરૂ કર્યો છે. તેમણે માહિતી આપી હતી કે અત્યાર સુધીમાં ત્રણ લોકલ ટ્રેનો રદ કરવી પડી છે.

તેમણે વધુમાં ઉમેર્યું હતું કે રેલવે પ્રશાસને અને વિરોધ કરી રહેલા ટ્રેન મૅનેજરો વચ્ચે હાલમાં વાતચીત ચાલી રહી છે. અધિકારીઓ ચર્ચા દ્વારા ઝડપી ઉકેલ લાવવાનો પ્રયાસ કરી રહ્યા છે જેથી લોકલ સેવાઓ સામાન્ય થઈ શકે

સાંજના વ્યસ્ત સમય દરમિયાન ટ્રેનો રદ કરવા અને કામગીરીમાં વિક્ષેપને કારણે મુસાફરોને વિલંબ અને ભીડનો સામનો કરવો પડ્યો.

ઘણા મુસાફરોને વૈકલ્પિક ટ્રેનોની રાહ જોવાની ફરજ પડી હતી, જેના કારણે CSMT અને મધ્ય રેલવે નેટવર્કના અન્ય સ્ટેશનો પર ભીડ વધી ગઈ હતી. હવે સમસ્યા ઉકેલાઈ ગઈ છે પરિસ્થિતિ સામાન્ય થઈ છે.