નવી દિલ્‍હી, તા.૨૩: રાષ્‍ટ્રીય કંપની કાયદા પંચની પાંચ સભ્‍યોની વિશેષ પીઠે સુભાષ ચંદ્રાના વ્‍યક્‍તિગત નાદારી કેસમાં કેન્‍દ્રીય તપાસ બ્‍યૂરોને નોટિસ પાઠવી છે. તપાસ એજન્‍સીને ચાર અઠવાડિયામાં જવાબ રજૂ કરવા જણાવાયું છે. સીબીઆઈએ અગાઉ એલઆઈસી હાઉસિંગ ફાઇનાન્‍સ સાથેના કથિત ૧,૩૨૨ કરોડ રૂપિયાના લોન કૌભાંડમાં ગુનો નોંધ્‍યો હતો.

આ કેસ ચંદ્રાએ એસ્‍સેલ સમૂહની કંપનીઓને અપાયેલી વ્‍યક્‍તિગત ગેરંટી અને લેણદારોના દાવા સાથે જોડાયેલો છે. વિશેષ પીઠે અગાઉ ૬.૫ કરોડ રૂપિયાની પરતફેર યોજનાને રોકી ચંદ્રાને પોતાની સંપત્તિનું વેચાણ કે હસ્‍તાંતરણ ન કરવા આદેશ આપ્‍યો હતો.