તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
BSNLએ ભારતમાં લોન્ચ કર્યો સેટેલાઇટ ફોન
૧,૩૪,૧૬૬ રૂપિયાની કિમતના આ ફોન માટે ટેલિકોમ વિભાગની મંજૂરી મેળવવી ફરજિયાત
નવી દિલ્હી તા.૧૦: સરકારી ટેલિકોમ કંપની ભારત સંચાર નિગમ લિમિટેડ (BSNL)એ ભારતમાં એવા વિસ્તારો માટે એક ખાસ સેટેલાઇટ ફોન લોન્ચ કર્યો છે જ્યાં સામાન્ય મોબાઇલ નેટવર્ક કે ટાવર ઉપલબ્ધ હોતા નથી. આ સેટેલાઇટ ફોનની કિમત ટેક્સ સહિત ૧,૩૪,૧૬૬ રૂપિયા નક્કી કરવામાં આવી છે. સામાન્ય સ્માર્ટફોનથી વિપરીત આ ઉપકરણ મોબાઇલ ટાવરને બદલે સીધું સેટેલાઇટ નેટવર્ક સાથે કનેક્ટ થાય છે, જેનાથી નેટવર્ક વગરના દુર્ગમ વિસ્તારોમાં પણ સરળતાથી
વોઇસ-કોલિંગ અને ઇમર્જન્સી સપોર્ટ મેળવી શકાશે. જોકે ભારતમાં સેટેલાઇટ ફોનના ઉપયોગ પર કડક સરકારી નિયમો હોવાને કારણે કોઈ પણ વ્યક્તિ એને સીધો ખરીદી શકશે નહીં. આ ફોન ખરીદવા અથવા એનો પ્રયોગ કરવા માટે ટેલિકોમ વિભાગની સત્તાવાર અને સ્પષ્ટ મંજૂરી લેવી અનિવાર્ય રહેશે, અન્યથા એનો ઉપયોગ ગેરકાનૂની ગણાશે.
(3:05 PM IST)
છેલ્લા 8 દિવસમાં સૌથી લોકપ્રિય 
