નવી દિલ્હી તા.૨૯ : વિદ્યાર્થીઓના ભવિષ્ય સાથે રમત રમનારાઓ સામે કેન્દ્ર સરકારે કડક વલણ અપનાવ્યું છે. લોકસભામાં "Public Examinations (Prevention of Unfair Means) Bill 2026" એટલે કે Anti Paper Leak Bill પસાર થઈ ગયો છે. હવે પેપર લીક કરનારાઓને સીધા જેલ અને ભારે દંડનો સામનો કરવો પડશે. સંસદ ભવનમાં બિલ પસાર થતા સાંસદોએ ટેબલ પછાડીને સ્વાગત કર્યું. સાથે "ANTI PAPER LEAK BILL PASSED" નું પ્લે કાર્ડ અને ન્યાયનું પ્રતીક ગેવેલ પણ જોવા મળી રહ્યું છે

 પેપર લીક, સોલ્વર ગેંગ કે કોઈપણ પ્રકારની ગેરરીતિ કરનારને ઓછામાં ઓછા 3 થી 5 વર્ષ અને વધુ ગંભીર કેસમાં 10 વર્ષ સુધીની જેલની સજા થશે.  દોષિતોને 1 કરોડથી 10 કરોડ રૂપિયા સુધીનો દંડ ફટકારવામાં આવશે. સંપત્તિ જપ્ત કરવાની પણ જોગવાઈ છે.   જો કોઈ કોચિંગ સેન્ટર, એજન્સી કે સંસ્થા આમાં સામેલ હશે તો તેની માન્યતા રદ થશે અને 4 ગણો ખર્ચ વસૂલવામાં આવશે.  

NEET, JEE, UGC-NET, SSC, બેંકિંગ, રેલવે સહિત કેન્દ્ર સરકારની તમામ ભરતી અને પ્રવેશ પરીક્ષાઓ આ કાયદાના દાયરામાં આવશે.  

 આવા ગુનાઓની તપાસ માટે કેન્દ્ર સરકાર દ્વારા નોડલ ઓફિસરની નિમણૂક કરવામાં આવશે અને કેસ ફાસ્ટ ટ્રેક કોર્ટમાં ચલાવવામાં આવશે. 

સરકારે કહ્યું કે છેલ્લા કેટલાક વર્ષોમાં પેપર લીકના કારણે લાખો વિદ્યાર્થીઓને મુશ્કેલી પડી છે. આ બિલ દ્વારા પરીક્ષાની પારદર્શિતા અને વિશ્વસનીયતા જાળવવાનો પ્રયાસ છે

આ બિલ લાગુ થયા બાદ હવે પેપર લીક કરનારાઓ માટે કોઈ છૂટ રહેશે નહીં. વિદ્યાર્થીઓને યોગ્યતા આધારિત ન્યાય મળે તે માટે સરકારે આ ઐતિહાસિક પગલું ભર્યું છે.