પશ્ચિમ બંગાળ ભારતીય જનતા પાર્ટી (ભાજપ) માટે માત્ર ભારત દેશનું ફક્ત બીજું કોઈ રાજ્ય નથી પણ પશ્ચિમ બંગાળ બીજેપી પાર્ટી માટે એક  ઊંડા વૈચારિક, ઐતિહાસિક અને ચૂંટણીની ચેલેન્જ જીત  ધરાવે છે. આ રાજ્ય ભારતીય જનસંઘના સ્થાપક શ્યામા પ્રસાદ મુખર્જીનું જન્મસ્થળ છે .અને છેલ્લાં કેટલાય વર્ષોથી ભારતીય જનતા પાર્ટી માટે પશ્ચિમ બંગાળ જીતવું એક ન માત્ર સપનું પણ ખરી ચેલેન્જ છે.અને શ્યામા પ્રસાદ મુખર્જી કે જેઓ  ભાજપના વૈચારિક પુરોગામી છે. તેથી, ભાજપ માટે, પશ્ચિમ બંગાળ જીતવું એ ફક્ત રાજકીય વિજય નથી પરંતુ વૈચારિક માન્યતા અને ઐતિહાસિક ગૌરવનો વિષય છે.

 

શ્યામા પ્રસાદ મુખર્જી બંગાળના સૌથી અગ્રણી નેતાઓમાંના એક હતા અને રાષ્ટ્રવાદી રાજકારણના મજબૂત અવાજ હતા. ભાજપ ભલે ભારતના નકશામાં ધીરે ધીરે ફેલાઈ રહેલી પાર્ટી તરીકે ગણાય છે.પણ હજુ પશ્ચિમ બંગાળની જીત વગર પોતાનાં કોંગ્રેસ મુક્ત ભારતના મિશન ને "અપૂર્ણ રાજકીય મિશન" તરીકે જુએ છે. જ્યારે પાર્ટીએ ભારતના મોટા ભાગોમાં પ્રભુત્વ સ્થાપિત કર્યું છે, ત્યારે બંગાળ - એક સાંસ્કૃતિક રીતે સમૃદ્ધ અને રાજકીય રીતે અડગ રાજ્ય - કબજે કરવામાં તેની અસમર્થતા તેના રાષ્ટ્રીય વિસ્તરણમાં એક અંતર રહી છે. આમ, અહીં વિજય વૈચારિક પૂર્ણતા અને પૂર્વ ભારતમાં વિસ્તરણનું પ્રતીક છે.

 

પશ્ચિમ બંગાળનું ચૂંટણી અંકગણિત તેની વસ્તી વિષયક રચનાથી ભારે પ્રભાવિત છે. વસ્તી ગણતરી આધારિત અંદાજો અનુસાર, મુસ્લિમો રાજ્યની વસ્તીના 27% જેટલી વસ્તી મુર્શિદાબાદ, માલદા અને ઉત્તર અને દક્ષિણ 24 પરગણાના કેટલાક ભાગો જેવા ઘણા જિલ્લાઓમાં, આ ટકાવારી નોંધપાત્ર રીતે વધારે છે, જે તેમને ચૂંટણી પરિણામોમાં નિર્ણાયક બનાવે છે.

 

જો મુસ્લિમોનો હિસ્સો આશરે 27% છે, તો બાકીના 73% ને વ્યાપક રીતે "અન્ય મતો" તરીકે વર્ગીકૃત કરી શકાય છે, મુખ્યત્વે હિન્દુઓ અને નાના સમુદાયો. જો કે, આ "અન્ય" શ્રેણી રાજકીય રીતે એકરૂપ નથી - તેમાં જાતિ, પ્રાદેશિક અને વૈચારિક વિવિધતાઓનો સમાવેશ થાય છે, જે ઘણીવાર પક્ષોમાં મત વિભાજીત કરે છે.એટલે મુસ્લિમ આબાદી પછીની અન્ય જાતિઓ સંપૂર્ણપણે બીજેપી સાથે છે અથવા બીજેપી સાથે રહેશે તે મક્કમ તેથી કહેવું ખૂબ ઉતાવળ ભર્યું કહેવાશે.

 

ઐતિહાસિક રીતે, બંગાળમાં મુસ્લિમ મતદારો મોટાભાગે ઓલ ઈન્ડિયા તૃણમૂલ કોંગ્રેસ (TMC) પાછળ જોડાયેલાં છે, જે તેને એક પ્રચંડ ચૂંટણી જૂથ બનાવે છે. હકીકતમાં, 100 થી વધુ વિધાનસભા બેઠકોને "મુસ્લિમ-પ્રભાવિત" માનવામાં આવે છે, જ્યાં એક તરફની મતદાન પેટર્ન નિર્ણાયક રીતે પરિણામોને આકાર આપી શકે છે .બીજી બાજુ, ભાજપની મુખ્ય તાકાત હિન્દુ મતોને એકીકૃત કરવામાં રહેલી છે. બંગાળમાં તેની વ્યૂહરચના ઘણીવાર ધ્રુવીકરણ અને ઓળખની રાજનીતિની આસપાસ ફરતી રહી છે, જેનો હેતુ વિભાજિત "અન્ય" મત બેંકને એકઠી કરવાનો છે.

તાજેતરની ચૂંટણીઓ અને અંદાજોમાં, બંગાળમાં ભાજપનો મત હિસ્સો ૩૫% થી ૪૦% ની વચ્ચે વધઘટ થયો છે તેવી રાજકીય પંડિતોની ચર્ચા ઉપરથી કહી શકાય.જે ગોઠવણ અને જોડાણોના આધારે છે. ૨૦૨૬ની ચૂંટણી માટેના કેટલાક અંદાજો ભાજપ અને TMC વચ્ચે કાટે કી ટક્કર જેવી સ્પર્ધા સૂચવે છે, જેમાં ભાજપ સંભવિત રીતે અનુકૂળ પરિસ્થિતિમાં ૪૦% ના આંકને પાર કરી શકે છે.જોકે, બહુમતી હાંસલ કરવા માટે માત્ર મત હિસ્સો જ નહીં પરંતુ કાર્યક્ષમ (નક્કી) બેઠક જીતવી ત્યાર બાદ પરિવર્તનની જરૂર છે.જે પ્રાદેશિક "સ્વિંગ" અને વિપક્ષના વિભાજન પર આધારિત છે.

 

 

ભાજપ બંગાળ જીતવા માટે, ઘણી વ્યૂહાત્મક પરિસ્થિતિઓ ગોઠવી છે અને તમામ પ્રયત્નો પણ કર્યા છે તેવી અનેક ચર્ચાઓ માધ્યમો દ્વારા જાણવાં મળતી રહી છે.પણ અમુક મુદ્દા ઉપર સચોટ કામ થયું હશે તો બીજેપી ને પરિણામ પોઝિટિવ મળશે તે નક્કી છે.નીચેના મુદ્દે માઇક્રો પ્લાનિંગ થયું હશે તો...

 

1. બિન-મુસ્લિમ મતોનું એકત્રીકરણ

જો ભાજપ ૭૦%+ બિન-મુસ્લિમ મતદારોના મોટા ભાગને સફળતાપૂર્વક એકીકૃત કરી શકે છે, તો તે TMC (ટીએમસી) પાછળ રહેલા પાક્કા મુસ્લિમ મતને સરભર કરી શકે છે.

 

2.  ટીએમસીના લઘુમતી એકાધિકારને તોડવું એ લક્ષ્ય:

ભાજપ તરફ મુસ્લિમ મતોમાં એક નાનો ફેરફાર (5-10%) અથવા વિરોધ પક્ષોમાં વિભાજન પણ પરિણામોને નાટકીય રીતે બદલી શકે છે.પણ આ પ્રમાણે ભાજપ પોતાનાં વિરોધી મતોને મેળવવામાં સફળ થયો હશે તો.

 

3. પ્રાદેશિક વ્યૂહરચના ખૂબ જરૂરી:

ગુજરાત જે રીતે ભાજપ માટે ગઢ રહ્યું છે તેમ અન્ય રાજ્યોમાં જ્યાં જ્યાં ભાજ જીત મેળવી છે ત્યાં ત્યાં મજબૂત પાયા નાખ્યાં હોવાનું જોઈ શકાય છે.પણ ઐતિહાસિક રીતે ઉત્તર અને પશ્ચિમ બંગાળ (જેમ કે ઉત્તર બંગાળ અને જંગલમહાલ) માં સારું પ્રદર્શન કર્યું છે. દક્ષિણ બંગાળ, ખાસ કરીને કોલકાતા અને આસપાસના જિલ્લાઓમાં વિસ્તરણ કરવું મહત્વપૂર્ણ છે.અને એ મહેનત બીજેપી ને પશ્ચિમ બંગાળમાં સફળતા અપાવી શકે છે.

 

4. નેતૃત્વ અને તેનું વૈચારિક વર્ણન:

નરેન્દ્ર મોદી સહિત ભાજપનું રાષ્ટ્રીય નેતૃત્વ, વિકાસ, રાષ્ટ્રવાદ અને શાસન પર ધ્યાન કેન્દ્રિત કરીને પ્રચારને આકાર આપવામાં મુખ્ય ભૂમિકા ભજવે છે.તેમજ હિન્દુ વિચારધારા Rss ની રાષ્ટ્રભાવના વગેરે લોકો સુધી પહોંચાડવામાં કરેલી મહેનત સફળતાં તરફ દોરી જશે.

 

5. TMC (ટીએમસી) સામે સત્તા વિરોધી:

ભલે છેલ્લાં ઘણાં સમયથી મમતા બેનર્જી (દીદી)ની સરકાર છે.પણ ક્યાંક સરકાર પ્રત્યે કોઈપણ અસંતોષ પણ સાંભળવા મળતો રહ્યો છે. ભલે તે ભ્રષ્ટાચારના આરોપો, શાસનના મુદ્દાઓ અથવા કાયદો અને વ્યવસ્થાની ખાડે ગયેલી પરિસ્થિતિને કારણે હોય પણ આ બધું ખૂબ ઝીણવટપૂર્વક ભાજપને ફાયદો કરાવી શકે છે.

 

6. સંગઠનાત્મક શક્તિ:

ભાજપે તાજેતરના વર્ષોમાં બંગાળમાં તેના કેડર બેઝનો નોંધપાત્ર વિસ્તાર કર્યો છે. અને તેનું પરફોર્મન્સ પણ સાબિત કર્યું છે.ઉચ્ચ મતદાન ધરાવતા રાજ્યમાં (ઘણીવાર 90% થી વધુ) બૂથ-સ્તરનું સંચાલન અને પાયાના સ્તરે ગતિશીલતા નિર્ણાયક રહેતી હોય છે.લોકોને ઘરની બાહર કાઢીને મતદાન બુથ સુધી ખેંચીને લાવવા નાની વાત નથી જ્યાં વિરોધ અને વિરોધીઓ ની સંખ્યા વધારે હોય.તેમજ પરિસ્થિતિ વણસે તો પરિણામ બગાડી શકે તેવાં હાલાત હોય ત્યારે ખૂબ અઘરી અને કસોટીદાયક વાત કહેવાય.

 

ટૂંકમાં પશ્ચિમ બંગાળ જીતવું એ ભાજપ માટે પ્રતીકાત્મક અને વ્યૂહાત્મક બંને લક્ષ્ય છે. પ્રતીકાત્મક રીતે, તે શ્યામા પ્રસાદ મુખર્જીના વારસા સાથે જોડાયેલું છે; વ્યૂહાત્મક રીતે, તે પૂર્વ ભારતમાં વિસ્તરણ અને ખરેખર અખિલ ભારતીય પક્ષ તરીકે એકીકરણનું નોંધપાત્ર પ્રતિનિધિત્વ કરે છે.જોકે, બંગાળની જટિલ સામાજિક રચના, મજબૂત પ્રાદેશિક ઓળખ અને લઘુમતી મતદાન તેને સૌથી મુશ્કેલ ચૂંટણી યુદ્ધના મેદાનોમાંનું એક બનાવે છે. ભાજપની સફળતા આખરે તેના પર નિર્ભર રહેશે કે તે વસ્તી વિષયક અંકગણિતને ચૂંટણીના રસાયણશાસ્ત્રમાં રૂપાંતરિત કરી શકે છે કે નહીં.બાકી તો ચૂંટણી પોલ "પરિબર્તન હોબે" ખરા સાબિત થશે કે ફક્ત "પોલંપોલ" તે જનતાને સમજાઈ જશે.