તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
સોનાની ખરીદી ટાળવાની અપીલથી જ્વેલરી શેરોમાં ગાબડા
જ્વેલરી કંપનીઓની કમાણી પર અસર પડશેઃ જ્વેલરી શેરોમાં ભારે વેચવાલી
નવી દિલ્હી,તા.૧૧: પ્રધાનમંત્રી મોદીની નાગરિકોને એક વર્ષ સુધી સોનાથી દૂર રહેવાની અપીલની અસર હવે શેરબજાર પર સ્પષ્ટપણે દેખાઈ રહી છે. રોકાણકારો માને છે કે ભારતીયો તેમના વડા પ્રધાનની સલાહનું પાલન કરશે અને સોનાથી દૂર રહેશે, જેના કારણે ભવિષ્યમાં ઘરેણાંની માંગમાં નોંધપાત્ર ઘટાડો થવાની સંભાવના છે. આ જ કારણ છે કે આજે ઘરેણાંના શેરોમાં વેચવાલીનો માહોલ જોવા મળી રહ્યો છે, લગભગ તમામ વેપારમાં નોંધપાત્ર નુકસાન થઈ રહ્યું છે.
રોકાણકારોને ડર છે કે જો ભારતીયો ખરેખર સોનાથી દૂર રહે છે, તો તે જ્વેલરી કંપનીઓના ત્રિમાસિક પરિણામો પર નકારાત્મક અસર કરશે. આ ગભરાટને કારણે, આજે સવારથી જ્વેલરી સેક્ટરના શેરોમાં તીવ્ર ઘટાડો જોવા મળી રહ્યો છે, જેમાં તમામ મુખ્ય જ્વેલરી શેરો લાલ નિશાનમાં ટ્રેડ થઈ રહ્યા છે.
આજના ટ્રેડિગમાં મોટી કંપનીઓના શેરોમાં ઘટાડો જોવા મળ્યો છે. સ્કાય ગોલ્ડ શેર સૌથી વધુ નુકસાન પામ્યા હતા, લગભગ ૧૦.૦૨% ઘટીને રૂ.૪૮૭.૦૦ પર બંધ થયા હતા. સેન્કો ગોલ્ડના શેરમાં ૯.૨૦%નો નોંધપાત્ર ઘટાડો જોવા મળ્યો હતો અને તે રૂ.૩૩૧.૮૦ પર બંધ થયા હતા. કલ્યાણ જ્વેલર્સનો પણ રોકાણકારોનો વિશ્વાસ ડગમગ્યો હતો, શરૂઆતના ટ્રેડિગમાં ૮.૬૭% ઘટીને રૂ.૩૮૭.૭૫ પર બંધ થયો હતો.
ટાટા ગ્રુપનો ટાઇટન શેર પણ આજે તીવ્ર ઘટાડો થયો હતો, ૬.૩૧% ઘટીને રૂ.૪૨૨૨ પર બંધ થયો હતો. પીસી જ્વેલરના શેર પણ ૪.૪૨% ઘટીને રૂ.૪.૫૯%, ગોલ્ડિયમ ૫.૧૮%, પીસી જ્વેલર ૫.૦૫%, મોટિસન્સ ૪.૪૪% અને વૈભવ ગ્લોબલ ૪.૩૯% ઘટીને બંધ થયા હતા. KKDL ના શેર ૨.૯૪% ઘટ્યા, જ્યારે રેનેસાં ગ્લોબલના શેર ૨.૨૪% ઘટ્યા.(૪૦.૩૭)
(3:55 PM IST)
છેલ્લા 8 દિવસમાં સૌથી લોકપ્રિય 
