નવી દિલ્હી: પશ્ચિમ એશિયામાં ચાલી રહેલી તંગદિલી અને સંકટની સ્થિતિને ધ્યાનમાં રાખીને વડાપ્રધાન નરેન્દ્રભાઈ મોદીએ દેશના નાગરિકોને આર્થિક સાવચેતી રાખવા અને કરકસરના પગલાં અપનાવવા માટે આહ્વાન કર્યું છે. આ ઉપરાંત, શાળાઓમાં જ્યાં પણ શક્ય હોય ત્યાં ઇન્ટરનેટ આધારિત શિક્ષણ પદ્ધતિ અપનાવવાનું પણ સૂચન કરવામાં આવ્યું હોવાનું ધ મિનિટમાં પ્રસિધ્ધ થયેલા અહેવાલમાં જણાવાયું છે.

પશ્ચિમ એશિયાના દેશોમાં ઊભી થયેલી ગંભીર કટોકટીની સીધી અસર વૈશ્વિક અર્થતંત્ર અને પુરવઠા વ્યવસ્થા પર પડી રહી છે. આ પરિસ્થિતિને પહોંચી વળવા માટે વડાપ્રધાન નરેન્દ્રભાઈ મોદીએ દેશવાસીઓને કેટલાક મહત્વપૂર્ણ અને સાવચેતીના પગલાં લેવા વિનંતી કરી છે. પ્રાપ્ત સત્તાવાર વિગતો અનુસાર, વડાપ્રધાને સ્પષ્ટ કર્યું છે કે હાલના સંજોગોમાં દેશના આર્થિક હિતોનું રક્ષણ કરવું અત્યંત આવશ્યક છે.

વધુમાં, સ્વદેશી ઉત્પાદનો ખરીદવા પર ભાર મૂકીને સ્થાનિક અર્થતંત્રને મજબૂત બનાવવા માટે દેશવાસીઓને પ્રોત્સાહિત કરવામાં આવ્યા છે.

શિક્ષણ ક્ષેત્રે પણ મહત્વનું સૂચન કરતા વડાપ્રધાને જણાવ્યું છે કે, જે શાળાઓ અને શૈક્ષણિક સંસ્થાઓ માટે શક્ય હોય તેમણે વિદ્યાર્થીઓ માટે ઘરે બેઠા જ શિક્ષણની વ્યવસ્થા કરવી જોઈએ, જેથી પરિવહન પાછળ થતો ઇંધણનો ખર્ચ બચાવી શકાય. 

આંતરરાષ્ટ્રીય સ્તરે ઊભી થયેલી આ પરિસ્થિતિને કારણે આયાત થતા ઇંધણના ભાવો અને અન્ય જરૂરી ચીજવસ્તુઓના પુરવઠા પર અસર પડી શકે છે. તેથી, દરેક નાગરિકની ફરજ બને છે કે તેઓ સરકારના આ કરકસરના અભિગમમાં પોતાનું યોગદાન આપે. આ તમામ પગલાંઓનો મુખ્ય ઉદ્દેશ્ય પશ્ચિમ એશિયાના સંકટની ભારત પર પડનારી નકારાત્મક અસરોને ઘટાડવાનો અને રાષ્ટ્રીય સંસાધનોની બચત કરવાનો છે.

આ પહેલા તેમણે લોકોને વિદેશ પ્રવાસ મર્યાદિત કરવા, સ્થાનિક ઉત્પાદનોનો વધુ ઉપયોગ કરવા, એક વર્ષ માટે સોનાની ખરીદી નહીં કરવા, પેટ્રોલ ડીઝલનો ઉપયોગ કરકસરથી કરવા અને ઇંધણ બચાવવા પર ભાર મૂક્યો છે,