અમેરિકામાં ટ્રમ્પ વહીવટીતંત્રે માઇક્રોસોફ્ટ સહિત ઘણી મોટી ટેક કંપનીઓને PERM પ્રોગ્રામ (કાયમી શ્રમ પ્રમાણપત્ર)માંથી સસ્પેન્ડ કરી છે. આ કાર્યક્રમ વિદેશી કામદારો માટે ગ્રીન કાર્ડ પ્રક્રિયાનો એક ભાગ છે. 

  અમેરિકાનો આરોપ છે કે આ કંપનીઓએ H-1B વર્કર વિઝા સિસ્ટમનો દુરુપયોગ કર્યો છે. યુએસ લેબર સેક્રેટરી દ્વારા નામ આપવામાં આવેલી કંપનીઓમાં માઇક્રોસોફ્ટ, કોગ્નિઝન્ટ, ઇન્ફોસિસ, ટાટા, વિપ્રો, HCL ટેક્નોલોજીસ, કેપજેમિની અને એડોબનો સમાવેશ થાય છે. આ ખાસ કરીને ભારતીય IT ક્ષેત્ર માટે મહત્વપૂર્ણ છે, કારણ કે ઇન્ફોસિસ, ટાટા અને વિપ્રો જેવી કંપનીઓ યુએસ બજારમાં નોંધપાત્ર કામગીરી ધરાવે છે અને ત્યાં મોટી સંખ્યામાં ભારતીય વ્યાવસાયિકોને રોજગારી આપે છે.

મેરિકન સરકારે પોતાના દેશના નાગરિકો માટે નોકરીઓ સુરક્ષિત કરવાના હેતુથી H-1B વિઝા અને રોજગાર નિયમો પર અત્યાર સુધીની સૌથી મોટી કડક કાર્યવાહી હાથ ધરી છે. અમેરિકાએ ભારતની અગ્રણી આઈટી કંપનીઓ ટાટા કન્સલ્ટન્સી સર્વિસીસ (TCS), ઈન્ફોસિસ, વિપ્રો, HCL, કોગ્નિઝન્ટ તેમજ ગ્લોબલ દિગ્ગજ માઇક્રોસોફ્ટ, એડોબ અને કેપજેમિની માટે ગ્રીન કાર્ડ સ્પોન્સર પર તાત્કાલિક અસરથી પ્રતિબંધ લગાવી દીધો છે. આ કંપનીઓને હવે 'પરમેનન્ટ લેબર સર્ટિફિકેશન પ્રોગ્રામ' (PERM) હેઠળ નવી અરજીઓ કરવા કે પેન્ડિંગ અરજીઓ આગળ વધારવા પર રોક લગાવી દેવામાં આવી છે, જે કુશળ વિદેશી કર્મચારીઓને ગ્રીન કાર્ડ અપાવવાનું મુખ્ય માધ્યમ માનવામાં આવે છે.