મહારાષ્ટ્રના નવાપુરામાં બર્ડ ફ્લુની પૃષ્ટિ બાદ તાપીમાં એલર્ટ જાહેર કરવામાં આવ્યું છે. ઉચ્છલ અને નિઝર તાલુકામાં જિલ્લા અધિક મેજિસ્ટ્રેટ દ્વારા જાહેરનામું બહાર પડાયું છે આ  જાહેરનામું 10 જુલાઈ 2026 સુધી લાગુ રહેશે  હુકમનો ભંગ કરનાર સામે કાયદેસરની કાર્યવાહી કરવામાં આવશે. જાહેરનામામાં એકથી દસ કિલોમીટરનો વિસ્તાર સર્વેલન્સ હેઠળ રખાયો છે . આ દરમિયાન મરઘાં, ઇંડાં, મરઘાની ચરક તેમજ પોલ્ટ્રી ફાર્મની સાધન સામગ્રીની હેરફેર પર પ્રતિબંધ રહેશે . પોલ્ટ્રી સાથે કામ કરતા લોકો માટે માસ્ક, ગ્લોવ્સ, ગમબૂટ અને અન્ય રક્ષણાત્મક સાધનો ફરજિયાત કરાયા છે . અસરગ્રસ્ત વિસ્તારમાં બહારથી આવતા પક્ષીઓ પાણીના સંપર્કમાં ન આવે તેની પણ તકેદારી રાખવા સૂચના અપાઇ છે