નવી દિલ્હી : ​ભારતીય સેનામાં જોડાઈને દેશસેવા કરવા ઈચ્છતા યુવાનો માટે મહત્ત્વના સમાચાર સામે આવ્યા છે. આર્મી રિક્રૂટિંગ ઓફિસ (ARO), નાગપુર દ્વારા 12 ઓક્ટોબર 2026ના રોજ અગ્નિવીર CLK/SKT કેટેગરી માટેની ભરતી રેલીનું આયોજન કરવામાં આવ્યું છે. આ રેલી મહારાષ્ટ્રના ચંદ્રપુર જિલ્લા સ્થિત વિસાપુર તાલુકા સ્પોર્ટ્સ કોમ્પ્લેક્સ ખાતે યોજાશે.
​ગુજરાતના 13 જિલ્લાઓ અને કેન્દ્રશાસિત પ્રદેશ દીવના ઉમેદવારો ભાગ લઈ શકશે
​આ ભરતી રેલીમાં આર્મી રિક્રૂટિંગ ઓફિસ (ARO), જામનગર હેઠળ આવતા ઉમેદવારો ભાગ લઈ શકશે.
​સમાવિષ્ટ જિલ્લાઓ: જામનગર, રાજકોટ, પોરબંદર, અમરેલી, ભાવનગર, જૂનાગઢ, સુરેન્દ્રનગર, કચ્છ, ગીર સોમનાથ, બોટાદ, મોરબી, દેવભૂમિ દ્વારકા અને પાટણ.
​કેન્દ્રશાસિત પ્રદેશ: દીવ (UT) ના પાત્ર ઉમેદવારો પણ આ રેલીમાં ભાગ લઈ શકશે.
​રિપોર્ટિંગ સમય અને સ્થળની મહત્વપૂર્ણ વિગતો
​તારીખ અને રિપોર્ટિંગ સમય: 12 ઓક્ટોબર 2026ના રોજ રાત્રે 00:15 કલાકે (મધ્યરાત્રિએ) રિપોર્ટ કરવાનો રહેશે.
​સ્થળ: વિસાપુર તાલુકા સ્પોર્ટ્સ કોમ્પ્લેક્સ, ચંદ્રપુર જિલ્લા, મહારાષ્ટ્ર.
​ભરતી કેટેગરી: અગ્નિવીર CLK/SKT.
​ઉમેદવારોએ નિશ્ચિત સમયપત્રક મુજબ સ્થળ પર સમયસર પહોંચવાનું રહેશે.
​એડમિટ કાર્ડ ડાઉનલોડ કરવાની પ્રક્રિયા
​શોર્ટલિસ્ટ થયેલા ઉમેદવારોને 10 ઓગસ્ટ 2026ના રોજ તેમના રજિસ્ટર્ડ ઈ-મેલ પર એડમિટ કાર્ડ મોકલી દેવામાં આવ્યા છે.
​ઉમેદવારો ભારતીય સેનાની સત્તાવાર વેબસાઈટ www.joinindianarmy.nic.in પર જઈ પોતાના યુઝરનેમ (Username) અને પાસવર્ડ (Password) વડે લોગિન કરીને પણ એડમિટ કાર્ડ ડાઉનલોડ કરી શકે છે.
​પૂછપરછ માટે હેલ્પલાઈન અને સંપર્ક નંબર
​ભરતી રેલી સંબંધિત કોઈ પણ વધુ માહિતી કે પૂછપરછ માટે ઉમેદવારો આર્મી રિક્રૂટિંગ ઓફિસ, જામનગરનો સંપર્ક કરી શકે છે:
​ફોન નંબર: 0288-2550346
​મોબાઈલ નંબર: 8866976188