ઉજ્જૈન,તા.૦૧: ઉજ્જૈનના ચક્રતીર્થ સ્‍મશાન સાથે જોડાયેલો એક વીડિયો સોશિયલ મીડિયા પર હાલમાં વાયરલ થઈ રહ્યો છે. વીડિયો કિન્નર અખાડા સાથે જોડાયેલી કાલી ઉર્ફ નંદ ગિરીના ઇન્‍સ્‍ટાગ્રામ અકાઉન્‍ટ પરથી શેર કરવાનો દાવો થઈ રહ્યો છે. વીડિયોમાં કાલી હાથમાં તલવાર લઈ તાંત્રિક ક્રિયા કરતી દેખાઈ રહી છે. જે બાદ તે સળગતી ચિતા પાસે જઈને તલવારથી માનવ અવશેષ કાઢી તેને ખાવાનો દાવો કરતી દેખાઈ છે. વીડિયો સામે આવ્‍યા બાદ લોકોમાં નારાજગી છે અને કાર્યવાહીની માગ કરી રહ્યા છે. સમાજની મર્યાદા વિરુદ્ધ સંત સમાજ અને સામાન્‍ય લોકોમાં સ્‍મશાન ઘાટની સળગતી ચિતામાંથી માંસ ખાવાનો વીડિયોને લઈ નારાજગી છે.

વીડિયો વાયરલ થયા બાદ હવે કેટલાય સવાલો ઊભા થઈ રહ્યા છે. ઉજ્જૈનના સ્‍મશાન ઘાટ સુરક્ષિત નથી. અહીં ઘણી વાર તંત્ર ક્રિયા કરવાના માટે લાશ સાથે છેડછાડ થતી રહે છે. છેડછાડ કરવાના વીડિયો પણ વાયરલ થાય છે. જેમાં કિન્નર તાંત્રિક તલવારથી લાશને વિચ્‍છેદ કરી માંસ ખાતા દેખાઈ રહ્યા છે.

મહામંડલેશ્વર શૈલેશાનંદ ગિરીએ કહ્યું કે, અઘોર સાધનાની પોતાની મર્યાદા છે અને તાંત્રિક ક્રિયાઓને સાર્વજાનિક કરવું યોગ્‍ય નથી. તેમણે કહ્યું કે, આ પ્રકારનું પ્રદર્શન વૈદિક પરંપરા અનુરૂપ નથી. તેમના અનુસાર વ્‍યક્‍તિગત પ્રસિદ્ધિ અને પ્રચાર માટે આવી ગતિવિધિઓનું પ્રસારણ સમાજમાં ખોટો મેસેજ ફેલાવે છે. આ પ્રકારના કૃત્‍ય કરનારા નિﾍતિપણે નરભક્ષી હોઈ શકે છે. પ્રશાસને તેમના પર કાર્યવાહી કરવી જોઈએ.

મહામંડલેશ્વર શૈલેશ આનંદ ગિરિએ કહ્યું કે, સ્‍પષ્ટ ઉલ્‍લેખ છે. આગમ નિગમ તંત્ર જે છે, શિવે શક્‍તિને જે કહ્યું અથવા શક્‍તિએ જે શિવને કહ્યું તેના પર આગમ નિગમ તંત્રની વ્‍યાખ્‍યા છે. આ વ્‍યાખ્‍યાઓને અંદર સ્‍પષ્ટ કર્યું છે કે અદ્વૈત વેદાંતની અંદર જેટલું પવિત્ર છે, અપવિત્રતા છે, જેટલા પણ સ્‍વીકારોક્‍ત યજ્ઞ છે. આ બધાની અંદર કોઈ પણ ભેદ નથી. સમસ્‍ત ભેદને ખતમ કરવા માટે જ અદ્વૈત પ્રતિપાદન થયું. તે માર્ગ ઉપર ચાલીને આગમ નિગમ તંત્ર અંતર્ગત અઘોર ઓઘડ આ માર્ગોનું પણ નિર્ધારણ થયું છે. તેમાં કોઈ શંકા નથી. પણ સ્‍પષ્ટ રાખો કે અઘોરીની પોતાની મર્યાદાઓ છે. આ મર્યાદાઓ અંતર્ગત કોઈ પણ એ ક્રિયાઓની ગોપનિયતા જાળવો. તેને સાર્વજાનિક ન કરવું જોઈએ. જે પણ સાધક સાર્વજાનિક કરે છે, તે ક્‍યાંકને ક્‍યાંક કાળ નેમી સાધક હોઈ શકે છે. ક્‍યાંકને ક્‍યાંક પદ ભ્રષ્ટ સાધક હોઈ શકે છે.