કેરળ વિધાનસભા ચૂંટણીમાં તેમના ગઠબંધન LDF (લેફ્ટ ડેમોક્રેટિક ફ્રન્ટ) ના પરાજય બાદ પિનરાઈ વિજયને મુખ્યમંત્રી પદ પરથી રાજીનામું આપ્યું છે. 

પરાજય બાદ પિનરાઈ વિજયને તેમની કડક કમાન્ડો સુરક્ષા અને સરકારી ગાડી છોડી દીધી હતી. તેઓ એરપોર્ટ પરથી કોઈ પણ સરકારી કાફલા વિના ખાનગી કે પાર્ટીના વાહનમાં પોતાના નિવાસસ્થાન 'ક્લિફ હાઉસ' ગયા હતા.

કોંગ્રેસના નેતૃત્વ હેઠળના UDF એ 140 માંથી 102 બેઠકો જીતીને સ્પષ્ટ બહુમતી મેળવી છે, જ્યારે LDF માત્ર 35 બેઠકો પર સમેટાઈ ગયું હતું.

 ભલે તેમનું ગઠબંધન હારી ગયું હોય, પરંતુ પિનરાઈ વિજયને પોતાની ધર્મદમ બેઠક 19,247 મતોની સરસાઈથી જીતી લીધી હતી.

રાજ્યપાલ રાજેન્દ્ર વિશ્વનાથ અર્લેકરે તેમનું રાજીનામું સ્વીકારી લીધું છે અને નવી સરકારની રચના ન થાય ત્યાં સુધી તેમને કાર્યકારી મુખ્યમંત્રી તરીકે ચાલુ રહેવા જણાવ્યું છે.