હિમાચલ પ્રદેશના મંડી જિલ્લામાં પેરાગ્લાઈડિંગ દરમિયાન એક વિદેશી પ્રવાસીને અકસ્માત નડ્યો હતો, જેમાં રશિયાનો એક પેરાગ્લાઈડર ઉડાન ભરી રહ્યા સમયે અચાનક હાઈ-ટેન્શન ઇલેક્ટ્રિક વાયરમાં ફસાઈ ગયો હતો. વીજવાયરમાં પેરાગ્લાઈડરની છત્રી ફસાઈ જવાના કારણે તે નીચે લટકતી હાલતમાં હવામાં જ ફસાઈ ગયો હતો અને કલાકો સુધી વીજલાઈન પર જ લટકી રહ્યો હતો. ઘટનાની જાણ થતાં જ એસડીઆરએફ (SDRF) અને સ્થાનિક પ્રશાસને તાત્કાલિક ધોરણે રેસ્ક્યૂ ઓપરેશન હાથ ધર્યું હતું અને 56 મીટર ઊંચી ક્રેનની મદદથી ભારે જહેમત બાદ તેનો સફળ બચાવ કર્યો હતો. સદનસીબે આ ગંભીર અકસ્માતમાં પેરાગ્લાઈડરનો આબાદ બચાવ થયો છે અને તેને માત્ર સામાન્ય ઈજાઓ જ પહોંચી છે.