મુંબઈ,તા.૦૪: ડોમ્‍બિવલી-વેસ્‍ટમાં રહેતા અને એક ખાનગી કંપનીમાંથી નિવૃત્ત થયેલા ૭૦ વર્ષના વૃદ્ધને ડેટિગ ઍપ્‍લિકેશન પર એક મહિલા સાથે મિત્રતા કરવાના ચક્કરમાં પોતાની જીવનભરની કમાણી ગુમાવવાનો વારો આવ્‍યો છે. નિમિષા અલ્‍વા નામની પરણેલી મહિલાએ ‘મારાં સાસરિયાં અને પતિ મારી મારઝૂડ કરે છે અને મારી પાસે ઘરે પાછા જવાના પણ પૈસા નથી' ત્‍યાંથી વાતની શરૂઆત કરી હતી અને વિવિધ બહાનાં હેઠળ માર્ચથી અત્‍યાર સુધીમાં તબક્કાવાર ૧૮,૨૨,૫૪૨ રૂપિયા પડાવી લીધા હતા. તાજેતરમાં મહિલાએ વાત બંધ કરી દેતાં તેમ જ વધુ તપાસ કરતાં પોતાની સાથે છેતરપિડી થઈ હોવાનું પ્રકાશમાં આવતાં વૃદ્ધે આ મામલે વિષ્‍ણુનગર પોલીસ-સ્‍ટેશનમાં ફરિયાદ નોંધાવી હતી. પોલીસે આ મામલે ટેક્રિકલ તપાસ કરીને વધુ તપાસ શરૂ કરી છે.

ડોમ્‍બિવલી-વેસ્‍ટના શાષીનગરમાં રહેતા નિવૃત્ત વૃદ્ધની માર્ચ મહિનાની શરૂઆતમાં ડેટિગ ઍપ્‍લિકેશન પર નિમિષા અલ્‍વા નામની પરણેલી મહિલા સાથે ઓળખાણ થઈ હતી. ત્‍યાર બાદ બન્ને વચ્‍ચે ટેલિગ્રામ પર વાતચીત શરૂ થઈ હતી.

મહિલાએ પોતાનાં સાસરિયાં અને પતિ દ્વારા મારઝૂડ કરવામાં આવતી હોવાનું તેમ જ ઘરે પાછા જવાના પૈસા ન હોવાનું ખોટું નાટક કર્યું હતું. વૃદ્ધે તેની વાત પર વિશ્વાસ મૂકીને માર્ચની શરૂઆતના દિવસોમાં પોતાના બેન્‍ક-ખાતામાંથી તબક્કાવાર હજારો રૂપિયાની આર્થિક મદદ મોકલી આપી હતી.

૨૮ માર્ચે વૃદ્ધને એક અજાણ્‍યા નંબર પરથી ફોન આવ્‍યો હતો. સામેવાળા માણસે પોતે બેન્‍ગલોરથી ACP તેજસ બોલે છે એવી ઓળખ આપી હતી. તેણે વૃદ્ધને ડરાવ્‍યા કે મહિલા અને તેના પતિએ તેમની વિરુદ્ધ જ્‍ત્‍ય્‍ નોંધાવ્‍યો છે અને જો તેઓ બેન્‍ગલોર પોલીસ-સ્‍ટેશને હાજર નહીં થાય તો તેમની ધરપકડ કરવા માટે પોલીસ ઘરે આવશે.

ધરપકડ અને કાનૂની કાર્યવાહીથી બચાવવાની લાલચ આપીને ઠગાઈ કરનારાઓએ વૃદ્ધ પાસેથી માર્ચથી ૧૪ જુલાઈ દરમ્‍યાન કટકે-કટકે કુલ ૧૮,૨૨,૫૪૨ રૂપિયા પડાવી લીધા હતા.

તમામ બચત ગુમાવ્‍યા બાદ પોતાની સાથે મોટી છેતરપિડી થઈ હોવાની જાણ થતાં વૃદ્ધે વિષ્‍ણુનગર પોલીસ-સ્‍ટેશનમાં ફરિયાદ નોંધાવી હતી.