મોદી, પુતિન અને શી જિનપિંગની મૈત્રીપૂર્ણ મુલાકાતે વિશ્વનું ધ્યાન ખેંચ્યું
જ્યાં હાસ્ય અને ઉષ્માભર્યા અભિવાદને ભવિષ્યના વૈશ્વિક સમીકરણો બદલવાનો સંકેત આપ્યોઃ અમેરિકા ચિંતિત
બિશ્કેક, તા.૧: વૈશ્વિક મંચ પર રાજકીય સમીકરણો બદલાતા વાર નથી લાગતી, અને કિર્ગિસ્તાનમાં યોજાયેલી SCO સમિટ આ વાતની સાક્ષી પૂરી રહી છે. જ્યારે ભારતીય વડા પ્રધાન નરેન્દ્ર મોદી, રશિયન રાષ્ટ્રપતિ વ્લાદિમીર પુતિન અને ચીનના રાષ્ટ્રપતિ શી જિનપિંગ એક છત નીચે સામસામે આવ્યા, ત્યારે આ દ્રશ્ય માત્ર એક સામાન્ય મુલાકાત નહોતું, પણ વિશ્વના સૌથી શક્તિશાળી ધ્રુવોનું મિલન હતું. જૂના મિત્રોની જેમ હસતા-મુસ્કુરાતા અને હાથ પકડતા આ ત્રણેય દિગ્ગજ નેતાઓની તસવીરોએ વૈશ્વિક મીડિયામાં હલચલ મચાવી દીધી છે અને વોશિંગ્ટનથી લઈને પﾍમિી દેશોના નીતિ-નિર્માતાઓની ચિંતા વધારી દીધી છે.
વિશ્વના કુલ GDP ના આશરે પચ્ચીસ ટકા હિસ્સો ધરાવતા આ સંગઠનમાં ભારત, રશિયા અને ચીનનું એક જ પ્લેટફોર્મ પર આવવું એ આંતરરાષ્ટ્રીય રાજનીતિમાં મોટા પરિવર્તનની એંધાણી છે. અગાઉ ચીનમાં મળેલી સફળ બેઠક બાદ કિર્ગિસ્તાનની આ મુલાકાતે વૈશ્વિક સહકાર અને મિત્રતાના નવા દરવાજા ખોલ્યા છે. આ ત્રિપુટીની મજબૂત બોન્ડિંગ એ વાતની સાબિતી આપે છે કે બદલાતા સમય સાથે આંતરરાષ્ટ્રીય સંબંધોની વ્યાખ્યા પણ બદલાઈ રહી છે, જે આશરે દસ સભ્ય દેશોના આ સંગઠનને વધુ પ્રભાવશાળી બનાવે છે.
આ મુલાકાતનો સિલસિલો અહીં જ અટકવાનો નથી કારણ કે આગામી દિવસોમાં ભારત દ્વારા બ્રિક્સ સમિટનું ભવ્ય આયોજન થવા જઈ રહ્યું છે. રશિયન રાષ્ટ્રપતિની નિﾍતિ હાજરી અને ચીની રાષ્ટ્રપતિની અપેક્ષિત ઉપસ્થિતિ સાથે ભારત વૈશ્વિક કૂટનીતિના કેન્દ્રસ્થાને બિરાજમાન થશે. આંતરરાષ્ટ્રીય કાયદા અને પરસ્પર ભાઈચારાના પાયા પર રચાયેલું આ સંગઠન આગામી સમયમાં વૈશ્વિક અર્થવ્યવસ્થા અને સુરક્ષાના નિર્ણયોમાં નિર્ણાયક ભૂમિકા ભજવવા તૈયાર છે.
(3:29 PM IST)
છેલ્લા 8 દિવસમાં સૌથી લોકપ્રિય 
