નવી દિલ્‍હી, તા.૭: ઈરાન સમર્થિત હુતી બળવાખોરોએ ગુરુવારે સાઉદી અરેબિયા અને યમનમાં એક સાથે મોટા હુમલા કર્યા.પહેલા હુમલામાં યમનના સરકારી લશ્‍કરી ઠેકાણાઓને બેલિસ્‍ટિક મિસાઇલો અને ડ્રોનથી નિશાન બનાવવામાં આવ્‍યા, જેમાં ૫૮ સૈનિકો માર્યા ગયા અને ડઝનેક ઘાયલ થયા. યમનના સંરક્ષણ મંત્રાલયે જણાવ્‍યું હતું કે યોગ્‍ય સમયે અને સ્‍થળે જવાબ આપવામાં આવશે.

બીજો હુમલો સાઉદી અરેબિયાના નજરાનમાં થયો, જેમાં ૧૧ નાગરિકો ઘાયલ થયા. આમાં સાત સાઉદી, એક યમન, બે ઇજિપ્તીયન અને એક પાકિસ્‍તાનીનો સમાવેશ થાય છે. ૪ વર્ષનો બાળક પણ ઘાયલ થયો હતો. હુમલા બાદ, નજરાનના અનેક ભાગોમાં આગ ફાટી નીકળી.

યમનમાં ઈરાન સમર્થિત હુથી બળવાખોરોએ ગુરુવારે દેશના મધ્‍ય અને પૂર્વીય ભાગોમાં અનેક સરકારી સૈન્‍ય છાવણીઓ પર મિસાઇલ અને ડ્રોન હુમલા કર્યા. લશ્‍કરી સૂત્રોના જણાવ્‍યા અનુસાર, આ હુમલાઓમાં ઓછામાં ઓછા ૫૮ સરકારી સૈનિકો માર્યા ગયા અને ડઝનેક ઘાયલ થયા. ૨૦૨૨ ના યુદ્ધવિરામ પછી આ હુમલાઓને સરકારી દળો પરના સૌથી મોટા અને ઘાતક હુમલા માનવામાં આવે છે. આ હુમલાઓમાં મારીબ પ્રાંતના અલ-રુવૈક વિસ્‍તાર અને હદરમૌત પ્રાંતમાં આસપાસના અલ-અબર કેમ્‍પને લક્ષ્ય બનાવવામાં આવ્‍યું હતું. સવારના સૈનિકોના મેળાવડા દરમિયાન એક હુમલો થયો, જેમાં ભારે જાનહાનિ થઈ. હુથી પ્રવક્‍તા યાહ્યા સરીએ દાવો કર્યો કે આ હુમલાઓ સાઉદી સમર્થિત દળોના નિર્માણના જવાબમાં હતા. તેમણે કહ્યું કે છાવણીઓ, શષાો અને વાહનોને નુકસાન થયું છે. યમનના સંરક્ષણ મંત્રાલયે હુમલાઓની નિંદા કરી અને કહ્યું કે સેના યોગ્‍ય સમયે જવાબી કાર્યવાહી કરશે.