ઈરાનના વિદેશ મંત્રી અબ્બાસ અરાઘચીએ યુરોપિયન યુનિયનના વિદેશ નીતિ પ્રમુખ કાજા કાલાસ સાથે ફોન પર વાત કરી અને તાજેતરના ઘટનાક્રમ પર ચર્ચા કરી.

અરાઘચીએ અમેરિકી હુમલાઓની સખત નિંદા કરતા કહ્યું કે આ સંયુક્ત રાષ્ટ્ર ચાર્ટર અને આંતરરાષ્ટ્રીય કાયદાનું સ્પષ્ટ ઉલ્લંઘન છે. તેમણે આરોપ લગાવ્યો કે આ હુમલાઓને કારણે યુદ્ધવિરામ હવે નિષ્ફળ થઈ ગયો છે અને તેના ખતરનાક પરિણામોની જવાબદારી અમેરિકા પર છે.

તેમણે એમ પણ કહ્યું કે અમેરિકી હુમલાઓ પર સંયુક્ત રાષ્ટ્રના સભ્ય દેશોની ચૂપકીદી ચિંતાનો વિષય છે. તેમના મતે, જો દુનિયા આવા મામલાઓ પર ચૂપ રહેશે તો મિડલ ઈસ્ટ જ નહીં, પરંતુ આખી દુનિયાની સુરક્ષા પર ખતરો વધી શકે છે.