નર્સરી ફી રૂા.૩.૭ લાખ... માતા કહે છે... SIPમાં રોકાણ કરવું વધુ સારું છે
ગુરુગ્રામની એક માતાએ તેના બાળકની રૂા.૧.૨૪ લાખ ત્રિમાસિક નર્સરી ફીનો સ્ક્રીનશોટ શેર કર્યો : SIP શરૂ કરૂ તો ગ્રેજયુઅટ થતા સુધીમાં બાળક કરોડપતિ બની જશે
નવી દિલ્હી તા.૩: ગુરુગ્રામના એક બાળકની નર્સરી ફીએ સોશિયલ મીડિયા પર મોટી ચર્ચા જગાવી છે. આ મુદ્દો ત્યારે સામે આવ્યો જ્યારે એક સ્થાપકે તેના બાળકની સ્કૂલ ફીનો સ્ક્રીનશોટ શેર કર્યો. ગુરુગ્રામ સ્થિત કંપની ધ પીપલ સ્ટુડિયોના સ્થાપક પૂજા સેટિયાએ લિક્ડઇન પર શેર કર્યું કે તેના બાળકની એક ક્વાર્ટર (ત્રણ મહિના) માટે નર્સરી ફી રૂા.૧૨૪,૭૮૦ છે. આનો અર્થ આખા વર્ષ માટે કુલ આશરે રૂા.૩.૭ લાખ થાય છે. આનાથી લોકોને આઘાત લાગ્યો, અને તેની પોસ્ટ ઝડપથી વાયરલ થઈ ગઈ.
પૂજા સેટિયાએ મજાકમાં લખ્યું કે આટલી ઊંચી ફી જોઈને, તે હવે હોમસ્કૂલિગ કરવાનું વિચારી રહી છે. તેણીએ એમ પણ કહ્યું કે જો આ પૈસા માસિક લ્ત્ભ્ માં રોકાણ કરવામાં આવે તો તેના બાળકનું ભવિષ્ય વધુ સુરક્ષિત બની શકે છે. તેણીની પોસ્ટ પછી, લોકોએ સોશિયલ મીડિયા પર તીવ્ર પ્રતિક્રિયા આપી.
કેટલાક લોકોએ કહ્યું કે આ ફી ખૂબ ઊંચી છે. એક યુઝરે લખ્યું કે તેણીએ પોતાનું આખું શિક્ષણ (ગ્રેજ્યુએશન અને પોસ્ટ ગ્રેજ્યુએશન બંને) આનાથી ઓછા ખર્ચે પૂર્ણ કર્યું છે. અન્ય લોકોએ કહ્યું કે ગુરુગ્રામ જેવા શહેરોમાં આ સામાન્ય છે, ખાસ કરીને જ્યાં આંતરરાષ્ટ્રીય શાળાઓમાં ફી ખૂબ ઊંચી હોય છે.
કેટલાક યુઝર્સે એમ પણ કહ્યું કે આજકાલ શાળા શિક્ષણનું મહત્વ ઘટી રહ્યું છે અને ઘણી વસ્તુઓ ઘરે શીખવી શકાય છે. તેઓ માને છે કે બાળકોએ રમતગમત અને અન્ય પ્રવૃત્તિઓ પર વધુ ધ્યાન કેન્દ્રિત કરવું જોઈએ. જોકે, ઘણા લોકો પૂજા સેટિયા સાથે અસંમત હતા. તેઓએ કહ્યું કે મોંઘી શાળામાં જવું એ એક પસંદગી છે, મજબૂરી નથી. એક યુઝરે લખ્યું કે સસ્તી અને સારી શાળાઓ અસ્તિત્વમાં છે, પરંતુ લોકો સ્થિતિ અને દેખાડા માટે મોંઘી શાળાઓ પસંદ કરે છે. કેટલાકે એમ પણ કહ્યું કે જો કોઈને ફી ખૂબ ઊંચી લાગે છે, તો તેણે અન્ય વિકલ્પો પસંદ કરવા જોઈએ, કારણ કે કોઈએ તેમને દબાણ કર્યું નથી.
એકંદરે, આ પોસ્ટે એક મોટી ચર્ચા જગાવી છે. શું મોંઘુ શિક્ષણ ખરેખર જરૂરી છે કે તે માત્ર એક યુક્તિ બની ગયું છે? આ કિસ્સો એ પણ દર્શાવે છે કે આજકાલ બાળકોના શિક્ષણનો ખર્ચ ઝડપથી વધી રહ્યો છે, જે માતાપિતાને ચિંતામાં મૂકી રહ્યો છે.
(1:30 PM IST)
છેલ્લા 8 દિવસમાં સૌથી લોકપ્રિય 
