તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
દહેજને કારણે થતાં મૃત્યુ સમાજ પર ગંભીર કલંકઃ સુપ્રીમ કોર્ટ
પ્રતિબંધ હોવા છતાં કુરિવાજથી હજારો મહિલાઓના અકુદરતી મોત થાય છે : આ મામલામાં વિવેકાધિકારનો ઉપયોગ કરતી વખતે અદાલતો ખૂબ કાળજી રાખે
નવી દિલ્હી તા.૨૭: દહેજના કારણે થતાં મૃત્યુને સમાજ માટે ગંભીર કલંક ગણાવી સુપ્રીમ કોર્ટે જણાવ્યું છે કે કાયદામાં દહેજ પર પ્રતિબંધ મૂકવામાં આવ્યો હોવા છતા આ સામાજિક કુરિવાજને કારણે હજારો મહિલાઓના અકુદરતી મોત થઈ રહ્યાં છે. દહેજ મૃત્યુ કેસમાં એક પુરુષના જામીન રઠ કરતા ન્યાયાધીશ જે.બી. પારડીવાલા અને વિજય બિશ્નોઈની બનેલી ખંઠપીઠ અવલોકન કર્યું હતું કે આરોપીને જામીન પર મુક્ત કરવાનો પટણા હાઈકોર્ટનો આદેશ સંપૂર્ણપણે અયોગ્ય છે. દહેજને કારણે મૃત્યુ જેવા ખૂબ જ ગંભીર ગુનામાં હાઈકોર્ટ પોતાના વિવેકાધિકારનો ઉપયોગ કરતી વખતે ખૂબ કાળજી રાખવી જોઈતી હતી. ખંડપીઠ જણાવ્યું હતું કે દહેજના કારણે થતાં મૃત્યુ ખરેખર ગંભીર સામાજિક દુષણ છે તથા માનવાધિકાર તથા ગૌરવના ભંગનું ઉદાહરણ છે. કાનૂની પ્રતિબંધ હોવા છતાં આ પ્રથા હજુ પણ હજારો મહિલાઓના અકુદરતી મૃત્યુનું કારણ બને છે. ઘણીવાર હત્યા દ્વારા અથવા વરરાજાના પરિવાર તરફથી પૈસા અથવા કિમતી વસ્તુઓની લોભ-પ્રેરિત માંગણીઓને કારણે આત્મહત્યા તરફ દોરી જાય છે. દહેજથી થતું મોત સમાજ પર એક ગંભીર કલંક છે. સર્વોચ્ચ અદાલતે કહ્યું હતું કે હાઈકોર્ટના આદેશમાં કોઈ વિશેષ ચર્ચા કરાઈ નથી અને માત્ર એ જ બાબત ખાનમાં લેવામાં આવી હતી કે આરોપી ન્યાયિક કસ્ટડીમાં છે અને અત્યાર સુધી માત્ર બે સાથીઓની જ પૂછપરછ થઈ છે. હાઇકોર્ટે આ મામલાના ઘણા મહત્વપૂર્ણ પાસાઓ, ખાસ કરીને મૃતકના શરીર પર ઈજાઓના નિશાન દર્શાવતા પોસ્ટમોર્ટમ રિપોર્ટ અને ગુનો થયાની પારણાને નજરઅંદાજ કરી હતી. આરોપીની તરફથી રજૂ થયેલા વકીલે દલીલ કરી હતી કે આ કેસ આત્મહત્યાનો છે. મૃતકની માનસિક સ્થિતિ સારી ન હતી અને તેને ઈમારતના છઠ્ઠા માળેથી કૂદીને આત્મહત્યા કરી હતી. આ મામલામાં મહિલા સપ્ટેમ્બર, ૨૦૨૪એ સાસરિયાના પરમાં શંકાસ્પદ સ્થિતિઓમાં મૃત હાલતમાં મળી આવી હતી. તેના શરીર પર બહાર અને અંદરની અનેક ઈજાઓ હતી. પોસ્ટમોર્ટમ રિપોર્ટ મુજબ મૃત્યુનું કારણ માથાની ઈજાને કારણે થયેલ હેમરેજ હતું.
(10:13 AM IST)
છેલ્લા 8 દિવસમાં સૌથી લોકપ્રિય 
