સ્‍કેટિંગની દુનિયામાં અનેક એક્‍સાઇટિગ રેકોર્ડ્‍સ બને છે. એમાં ભારતની સૃષ્ટિ શર્માએ ચિત્તા જેવી ઝડપે લિમ્‍બો સ્‍કેટિંગ કરવાનો રેકોર્ડ પોતાના નામે કર્યો છે. સૃષ્ટિએ પચાસ મીટર સુધી થોડા-થોડા સમય પર ગોઠવેલા પોલની નીચેથી સૂઈને સ્‍કેટિગ દ્વારા પસાર થવાનું કરતબ દેખાડ્‍યું હતું અને એ પણ ૭.૪૬ સેકન્‍ડમાં પૂરું કરી નાખ્‍યું હતું. પોલની નીચે જમીનને સમાંતર સૂઈને બે પગ ૧૮૦ ડિગ્રીએ પહોળા કરીને સૌથી ઝડપી લિમ્‍બો સ્‍કેટનો ગિનેસ વર્લ્‍ડ રેકોર્ડ સૃષ્ટિએ પોતાના નામે કર્યો છે.