તા. ૧૨ સપ્ટેમ્બર ર૦ર૪ વિક્રમ સંવત ર૦૮૦ ભાદરવા સુદ -૯, ગુરૂવાર
ઈરાન યુદ્ધ પછી ક્યુબા પર હુમલો કરશે અમેરિકા.
વિશ્વ રાજનીતિમાં ફરી એકવાર તણાવ વધતો જોવા મળી રહ્યો છે
વોશીંગ્ટન તા .૧૭: ટ્રમ્પે તાજેતરમાં આપેલા નિવેદનમાં જણાવ્યું છે કે ઈરાન સાથે ચાલતા સંઘર્ષ પૂર્ણ થયા બાદ અમેરિકાનું ધ્યાન ક્યુબા તરફ વળી શકે છે. ટ્રમ્પે સંકેત આપ્યો કે અમેરિકા ક્યુબા સાથે સમજૂતી કરી શકે છે, પરંતુ જો જરૂર પડશે તો કડક કાર્યવાહી પણ કરવામાં આવી શકે છે.
ટ્રમ્પ આ વાત એર ફોર્સ વન વિમાનમાં પત્રકારો સાથે વાતચીત દરમિયાન કરી હતી. તેમણે જણાવ્યું કે હાલ અમેરિકાનું મુખ્ય ધ્યાન ઈરાન સાથે ચાલી રહેલા સંઘર્ષ પર છે, પરંતુ આ મુદ્દો સમાપ્ત થયા પછી ક્યુબા સાથે સંબંધિત પરિસ્થિતિ પર વિચાર કરવામાં આવશે.
ટ્રમ્પે એ પણ જણાવ્યું કે ક્યુબા હાલમાં અમેરિકા સાથે વાતચીત કરવા ઇચ્છુક દેખાઈ રહ્યું છે. તેમના મુજબ બંને દેશો વચ્ચે ચર્ચાઓ ચાલી રહી છે અને શક્ય છે કે નજીકના સમયમાં કોઈ સમજૂતી થઈ શકે. જો કે તેમણે સ્પષ્ટ કર્યું કે તમામ વિકલ્પો ખુલ્લા છે અને પરિસ્થિતિ મુજબ અમેરિકા પોતાનો નિર્ણય કરશે.
આ નિવેદન ખાસ કરીને ત્યારે આવ્યું છે જ્યારે Cubaમાં તાજેતરમાં આંતરિક અસંતોષ અને દેખાવોએ રાજકીય પરિસ્થિતિને વધુ તંગ બનાવી દીધી છે. વીજળી કાપને લઈને લોકો રસ્તા પર ઉતરી આવ્યા હતા અને અનેક વિસ્તારોમાં વિરોધ પ્રદર્શન થયા હતા. કેટલાક સ્થળોએ પ્રદર્શન હિસક બનતા પરિસ્થિતિ વધુ ગંભીર બની ગઈ હતી. પ્રદર્શનકારોએ કમ્યુનિસ્ટ પાર્ટીના કચેરી પર પણ હુમલો કર્યો હતો. સોશિયલ મીડિયા પર વાયરલ થયેલા વિડિઓમાં લોકો ઇમારતોની બારીઓ પર પથ્થર ફેંકતા અને સ્વતંત્રતાના નારા લગાવતા જોવા મળેલ. જે દેશની અંદરની અસંતોષની સ્થિતિ દર્શાવે છે.
(10:00 AM IST)
છેલ્લા 8 દિવસમાં સૌથી લોકપ્રિય 
