બેંગલુરુ, તા.૩: ભારતની શાન અને બે વખતની ઓલિમ્‍પિક મેડલ વિજેતા પી.વી. સિંધુ માટે છેલ્લા કેટલાક દિવસો કોઈ ભયાનક ફિલ્‍મની પટકથાથી ઓછા નહોતા. મધ્‍ય પૂર્વમાં ઇઝરાયલ અને ઈરાન વચ્‍ચે ફાટી નીકળેલા યુદ્ધની જ્‍વાળાઓ વચ્‍ચે સિંધુ દુબઈ એરપોર્ટ પર એવી ફસાઈ કે તેની સુરક્ષાને લઈને આખું ભારત ચિંતિત હતું. એરપોર્ટની નજીક જ થયેલા ભીષણ વિસ્‍ફોટો અને આકાશમાં ગુંજતા સાયરનોની વચ્‍ચે સિંધુ અને તેની ટીમે પળ-પળ ગભરાટમાં વિતાવી હતી. આ યુદ્ધની આડઅસરે માત્ર વિમાનોના પૈડા જ નથી થંભાવ્‍યા, પરંતુ એક ખેલાડીના સપના અને મહિનાઓની મહેનત પર પણ પાણી ફેરવી દીધું છે.