નવી દિલ્હી: ઉત્તરાખંડના કોટદ્વારના ચર્ચિત 'દીપક કુમાર' કેસમાં હવે રાજકીય ગરમાવો તેજ થયો છે. AIMIM પ્રમુખ અને હૈદરાબાદના સાંસદ અસદુદ્દીન ઓવૈસીએ આ મામલે દીપક કુમારને ખુલ્લું સમર્થન આપીને કેન્દ્રની ભાજપ સરકાર અને RSS પર આકરા પ્રહારો કર્યા છે. ઓવૈસીએ એક નિવેદનમાં જણાવ્યું હતું કે, જો દીપક કુમાર જેવા લોકો હિંદુ સમાજમાંથી આગળ આવશે, તો ભાજપ અને RSSની સત્તાના દિવસો ગણાઈ જશે.
 ઓવૈસીએ દીપક કુમારની પ્રશંસા કરતા કહ્યું કે તેઓ સામાજિક અને લોકશાહી મૂલ્યોની અસલી અવાજ છે. ઓવૈસીના મતે, જે લોકો બંધારણ, સમાનતા અને ન્યાયની વાત કરે છે, તેમનો સાથ આપવો એ સમયની માંગ છે. તેમણે વધુમાં ઉમેર્યું કે દેશમાં નફરતની રાજનીતિને રોકવા માટે આવા તત્વોનું મજબૂત થવું જરૂરી છે.
 કોટદ્વારના દીપક કુમાર હાલમાં સોશિયલ મીડિયા અને રાજકીય વર્તુળોમાં ચર્ચાનું કેન્દ્ર બન્યા છે. તેમના દ્વારા ઉઠાવવામાં આવેલા કેટલાક સ્થાનિક અને સામાજિક મુદ્દાઓને કારણે ભાજપ અને વિરોધ પક્ષો સામસામે આવી ગયા છે. ઓવૈસીના આ નિવેદન બાદ હવે આ મામલો રાષ્ટ્રીય સ્તરે ચર્ચામાં આવ્યો છે.
 ઓવૈસીના આ સીધા હુમલા બાદ રાજકીય ગરમાવો વધ્યો છે. જોકે, ભાજપ તરફથી હજુ સુધી આ બાબતે કોઈ સત્તાવાર પ્રતિક્રિયા આપવામાં આવી નથી. આગામી દિવસોમાં આ વિવાદ વધુ વકરે તેવી શક્યતા છે, કારણ કે ઓવૈસીએ આ મુદ્દાને સીધો જ ભાજપ-RSS વિરુદ્ધ હિંદુ સમાજના જાગૃત નાગરિકો તરીકે રજૂ કર્યો છે.