ઓસ્ટ્રેલિયાની સરકારે દેશની જૈવ વિવિધતાને બચાવવા માટે અત્યંત આકરો નિર્ણય લીધો છે. ત્યાંની સરકારે દેશભરમાંથી ૨૫ લાખ જેટલી જંગલી બિલાડીઓને વીણી વીણીને મારી નાખવાનો આદેશ આપ્યો છે, કારણ કે આ બિલાડીઓ ત્યાંની સ્થાનિક પશુ-પક્ષીઓની પ્રજાતિઓ માટે મોટો ખતરો બની ગઈ છે.

ઓસ્ટ્રેલિયાના અધિકારીઓએ પુષ્ટિ કરી છે કે તેઓ જંગલી બિલાડીઓની વસ્તીને નિયંત્રિત કરવા માટે એક મહત્વાકાંક્ષી કાર્યક્રમ ચલાવી રહ્યા છે. આ બિલાડીઓ ઓસ્ટ્રેલિયાના મૂળ પ્રાણીઓ, જેમ કે નાના કાંગારૂ અને અન્ય પક્ષીઓ,નો શિકાર કરીને તેમની વસ્તીમાં ઘટાડો કરી રહી છે.

સરકારે નક્કી કર્યું છે કે આ બિલાડીઓને ઝેર, ફાંસલા અને ગોળીબાર દ્વારા નિયંત્રિત કરવામાં આવશે. સરકારી આંકડા મુજબ, જંગલી બિલાડીઓ દરરોજ લાખો મૂળભૂત પક્ષીઓ અને પ્રાણીઓને મારી નાખે છે. પર્યાવરણવાદીઓ આ પગલાંને જૈવ વિવિધતાના રક્ષણ માટે જરૂરી ગણાવી રહ્યા છે, જ્યારે કેટલાક પશુ અધિકાર જૂથોએ આ નિર્ણયનો સખત વિરોધ કર્યો છે.