નવી દિલ્‍હી, તા.૨૨: ભારતમાં આધાર કાર્ડ જારી કરતી સંસ્‍થા, યુનિક આઇડેન્‍ટિફિકેશન ઓથોરિટી ઓફ ઇન્‍ડિયા (UIDAI) આધાર કાર્ડને ફરીથી ડિઝાઇન કરવાનું વિચારી રહી છે. ભવિષ્‍યમાં, આધાર કાર્ડમાં ફક્‍ત ફોટો અને ક્‍વિક રિસ્‍પોન્‍સ (QR) કોડ હોઈ શકે છે. આનો અર્થ એ છે કે કાર્ડમાં આધાર નંબર, નામ, સરનામું, જન્‍મ તારીખ અથવા અન્‍ય માહિતી શામેલ નથી.

આ સંદર્ભમાં, UIDAI ના મુખ્‍ય કાર્યકારી અધિકારી (CEO) ભુવનેશ કુમારે એક ઓનલાઈન કોન્‍ફરન્‍સમાં જણાવ્‍યું હતું. એવું કહેવામાં આવ્‍યું હતું કે ઁઆધાર કાર્ડની ફોટોકોપીનો દુરુપયોગ અટકાવવા માટે નવા નિયમો વિકસાવવામાં આવી રહ્યા છે. આધાર કાર્ડની ફોટોકોપી જોયા અને સબમિટ કર્યા પછી પણ, તમારી વિગતો અન્‍ય કોઈ વ્‍યક્‍તિ, સંસ્‍થા, ઓફિસ કે કંપની દ્વારા શેર કરી શકાશે નહીં