પાકિસ્તાન ઈન્ટરનેશનલ એરલાયન્સ (PIA)એ શનિવારે યુનાઈટેડ કિંગડમ (UK) માટે પોતાની ઉડ્ડાન સેવા ફરીથી શરૂ કરી દીધી છે. તેની ઉડ્ડાન નકલી પાયલટ લાયન્સ કૌભાંડ બાદ પાંચ વર્ષ માટે પ્રતિબંધ મુક્યો હતો.

જુલાઈ 2020 પછી ઇસ્લામાબાદથી માન્ચેસ્ટરની પહેલી ફ્લાઇટ 284 મુસાફરો સાથે ઉડાન ભરી હતી તેમ PIAએ એક નિવેદનમાં જણાવ્યું હતું. સંરક્ષણ પ્રધાન ખ્વાજા મુહમ્મદ આસિફ પણ તેમાં હતા.

યુરોપિયન યુનિયન એવિએશન સેફ્ટી એજન્સી (EASA) અને UK સિવિલ એવિએશન ઓથોરિટીએ 2020 માં કરાચીમાં થયેલા દુ:ખદ હવાઈ દુર્ઘટના બાદ PIA ફ્લાઇટ્સ પર પ્રતિબંધ મૂક્યો હતો, જેમાં લગભગ 100 મુસાફરો માર્યા ગયા હતા અને ત્યારબાદ તત્કાલીન ઉડ્ડયન મંત્રી ગુલામ સરવર ખાન દ્વારા ખુલાસો થયો હતો કે મોટી સંખ્યામાં પાકિસ્તાની પાઇલટ્સ નકલી લાઇસન્સ ધરાવતા હતા.

EASA એ ગયા વર્ષે નવેમ્બરમાં પ્રતિબંધ ઉઠાવી લીધો હતો, જ્યારે યુકેએ આ વર્ષે જુલાઈમાં પાકિસ્તાનને તેની હવાઈ સલામતી યાદીમાંથી દૂર કર્યું હતું, જેનાથી પાકિસ્તાની એરલાઇન્સને બ્રિટનમાં ફ્લાઇટ્સ ચલાવવા માટે અરજી કરવાની મંજૂરી મળી હતી.

ફ્લાઇટ રવાના થાય તે પહેલાં ઇસ્લામાબાદ આંતરરાષ્ટ્રીય વિમાનમથક પર એક સાદું સમારંભ યોજાયો હતો, જેમાં સંરક્ષણ મંત્રાલય રાજદ્વારી મિશન અને ઉડ્ડયન ક્ષેત્રના વરિષ્ઠ અધિકારીઓએ હાજરી આપી હતી.

સંરક્ષણ પ્રધાન આસિફે જણાવ્યું હતું કે સીધી ફ્લાઇટ્સ ફરી શરૂ થવાથી પાકિસ્તાન અને યુકે વચ્ચેના સંબંધો વધુ મજબૂત બનશે. તેમણે ઉમેર્યું હતું કે આ સેવા યુકેમાં રહેતા 1.6 મિલિયનથી વધુ પાકિસ્તાનીઓને વધુ સારા અને વધુ આરામદાયક મુસાફરી વિકલ્પો પ્રદાન કરશે. 

ખ્વાજા આસિફે PIA અધિકારીઓને એરલાઇનના ફ્લાઇટ શેડ્યૂલ અને ઇન-ફ્લાઇટ સુવિધાઓમાં સુધારો કરવા અને રૂટ અને ફ્રીક્વન્સીઝ વધારવા માટે પગલાં લેવા નિર્દેશ આપ્યો. પાકિસ્તાનમાં બ્રિટિશ હાઇ કમિશનર જેન મેરિયટ પણ મુસાફરોને વિદાય આપવા માટે સમારોહમાં હાજર રહ્યા હતા.