છેલ્લા 8 દિવસમાં સૌથી લોકપ્રિય હેં...વારાણસીમાં ભાજપનો પરાજય 9:51 AM
હું કંટાળી ગયો હતો, તેથી મેં મારી માતાની હત્યા કરીઃ હવે મારી ધરપકડ કરો
માતાને મારી નાખી પછી આરોપી દીકરો પહોંચ્યો પોલીસ સ્ટેશન
નાશિક તા.૯: મહારાષ્ટ્રના નાશિકથી એક ચોંકાવનારો કિસ્સો પ્રકાશમાં આવ્યો છે, જ્યાં એક દીકરાએ માત્ર કંટાળો આવતા પોતાની વૃદ્ધ માતાની હત્યા કરી દીધી હતી. ત્યારબાદ આરોપીએ પોલીસ સ્ટેશનમાં આત્મસમર્પણ કરી દીધું હતું. આ સમગ્ર ઘટના નાસિકના જેલ રોડ પર આવેલા શિવાજીનગર વિસ્તારમાં બની હતી, જ્યાં મંગળવારે રાત્રે (૭ ઑક્ટોબર) ૫૮ વર્ષીય અરવિદ મુરલીધર પાટીલે પોતાની ૮૦ વર્ષીય માતા યશોદાબાઈ મુરલીધર પાટીલનું ક્રૂરતાપૂર્વક ગળું દબાવી તેને મારી નાખી હતી.
હત્યા પછી, આરોપી અરવિદ નાસિક રોડ પોલીસ સ્ટેશન ગયો અને અધિકારીઓને કહ્યું, હું કંટાળી ગયો હતો, તેથી મેં મારી માતાની હત્યા કરી. હવે મારી ધરપકડ કરો. પોલીસે તાત્કાલિક તેને કસ્ટડીમાં લીધો અને તેના ઘરની તપાસ કરી. પહોંચ્યા પછી, તેમને યશોદાબાઈનો મૃતદેહ મળ્યો, જેના કારણે સમગ્ર વિસ્તારમાં ખળભળાટ મચી ગયો. નાસિક રોડ પોલીસ સ્ટેશનમાં આરોપી વિરુદ્ધ હત્યાનો કેસ નોંધવામાં આવ્યો છે.
(9:30 AM IST)
