<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Sunday, 17th August 2025

ગુરુગ્રામમાં એલ્વિશ યાદવના ઘરે ૨૪ રાઉન્ડ ગોળીબાર: ત્રણ અજાણ્યા હુમલાખોરો બાઇક પર ભાગી છૂટ્યા


 

 ગુરુગ્રામ: બિગ બોસ વિજેતા અને પ્રખ્યાત યુટ્યુબર એલ્વિશ યાદવના ગુરુગ્રામ સ્થિત ઘરે આજે વહેલી સવારે ૫.૩૦ થી ૬ વાગ્યાની વચ્ચે ત્રણ અજાણ્યા શખસોએ ૨૪ રાઉન્ડ ગોળીબાર કર્યો હતો. આ હુમલાખોરો બાઇક પર આવ્યા હતા અને ફાયરિંગ કરીને ઘટનાસ્થળેથી ઝડપથી ભાગી ગયા હતા. આ ઘટનાથી આજુબાજુના વિસ્તારમાં ગભરાટ ફેલાયો હતો. 

 

 ગુરુગ્રામ પોલીસે તાત્કાલિક ઘટનાસ્થળે પહોંચીને તપાસ શરૂ કરી છે અને નજીકના સીસીટીવી ફૂટેજની ચકાસણી કરી રહી છે. હજુ સુધી હુમલાખોરોની ઓળખ થઈ નથી, પરંતુ પોલીસે વિસ્તારને ઘેરી લઈને આરોપીઓની શોધખોળ તેજ કરી છે. 

 

એક્સ પરની એક પોસ્ટમાં જણાવાયું છે કે હુમલામાં ૧૦–૧૨ રાઉન્ડ ફાયરિંગ થયું હોવાનું પ્રાથમિક અનુમાન છે, જોકે અન્ય સ્ત્રોતો ૨૪ રાઉન્ડની પુષ્ટિ કરે છે. આ ઘટનાને લઈને એલ્વિશ યાદવની સલામતી અંગે ચિંતા વ્યક્ત કરવામાં આવી રહી છે, અને પોલીસ આ ઘટનાના હેતુ અને હુમલાખોરોની ઓળખ માટે ઊંડાણપૂર્વકની તપાસ કરી રહી છે.

 

(10:45 AM IST)