નવી દિલ્‍હી, તા.૩૧: સવારની ખરાબ શરૂઆત બાદ હવે ભારતીય શેરબજારમાં તેજી જોવા મળી રહી છે. સેન્‍સેક્‍સ અને નિફ્‌ટી ગ્રીન ઝોનમાં આવી ગયા છે. નિફ્‌ટી ૫૦- ૭૦ પોઈન્‍ટ વધીને ૨૪૯૦૦ ની ઉપર પહોંચ્‍યો, જ્‍યારે સેન્‍સેક્‍સ ૨૦૦ પોઈન્‍ટથી વધુ વધ્‍યો. તે જ સમયે, નિફ્‌ટી બેંકમાં પણ ૨૦૦ પોઈન્‍ટથી વધુનો વધારો જોવા મળી રહ્યો છે. જોકે, મિડ અને સ્‍મોલ કેપ્‍સ હજુ પણ ઘટાડામાં છે. ૨.૩૦ કલાકે સેન્‍સેકસ ૮૧૫૫૭ તો નીફટી ૨૪૮૮૮૧ ઉપર છે.

બીએસઈના ટોચના ૩૦ શેરોની વાત કરીએ તો, ૧૮ શેર લીલા રંગમાં અને ૧૨ શેર લાલ રંગમાં ટ્રેડ થતા જોવા મળે છે. હિન્‍દુસ્‍તાન યુનિલિવરમાં મહત્તમ ૩.૯૦ ટકા, ઝોમેટોમાં લગભગ ૨ ટકા અને કોટક મહિન્‍દ્રામાં ૧.૫૯ ટકાનો વધારો થયો છે.

આ શેરોમાં સૌથી વધુ વધારો થયો છે : મહત્તમ વધારો HEG શેરમાં ૧૫ ટકાનો થયો છે. આ પછી, ગ્રીવ્‍સ કોટન (૧૧%), કેન્‍સ ટેકનોલોજી ઇન્‍ડિયા (૧૦%), સેગિલિટી ઇન્‍ડિયાના શેરમાં ૮ ટકા, ડિલિવરી શેરમાં ૫ ટકા અને ડેટા પેટર્ન શેરમાં ૨.૩૧ ટકાનો વધારો જોવા મળી રહ્યો છે.

ટ્રમ્‍પના ટેરિફથી બજાર ડરતું નથી! : સવારના કારોબાર દરમિયાન ભારતીય શેરબજારમાં મોટો ઘટાડો જોવા મળ્‍યો. નિફ્‌ટી ૨૦૦ થી વધુ પોઈન્‍ટ ઘટયો હતો અને સેન્‍સેક્‍સ લગભગ ૮૦૦ પોઈન્‍ટ ઘટયો હતો, પરંતુ ધીમે ધીમે તેમાં રિકવરી આવી અને હવે બજાર રેડ ઝોનથી ગ્રીન ઝોન તરફ ટ્રેડ કરી રહ્યું છે. કેટલાક લાર્જ કેપ શેરોમાં જબરદસ્‍ત વધારો થયો છે.

આ ક્ષેત્રો હરિયાળીમાં પાછા ફર્યા : જ્‍પ્‍ઘ્‍ઞ્‍ ક્ષેત્રમાં મહત્તમ વળદ્ધિ જોવા મળી રહી છે. સવારના વેપાર દરમિયાન તેમાં સૌથી વધુ ઘટાડો થયો હતો અને હવે તે લગભગ ૨ ટકા ઘટીને ટ્રેડ થઈ રહ્યો છે. તે જ સમયે, આઇટી, મીડિયા અને ખાનગી બેંક ક્ષેત્રો પણ લાલ નિશાનથી લીલા નિશાન પર પાછા ફર્યા છે.

આ ઉછાળો શા માટે આવ્‍યો? : હિન્‍દુસ્‍તાન યુનિલિવર અને ઝોમેટો જેવા લાર્જ-કેપ શેરોમાં ખરીદી વધવાને કારણે રોકાણકારોનો બજારમાં રસ વધ્‍યો છે. આ ઉપરાંત, સ્‍થાનિક અને વિદેશી રોકાણકારો દ્વારા પણ ખરીદી જોવા મળી રહી છે. બીજી તરફ, નિષ્‍ણાતો ટ્રમ્‍પના ટેરિફને મોટો ફટકો માનતા નથી, જેના કારણે રોકાણકારો વેચવાને બદલે ખરીદી કરી રહ્યા છે.

બજારના નિષ્‍ણાતો એ હકીકત તરફ ધ્‍યાન દોરે છે કે વેપાર સોદા અંગે બંને દેશો વચ્‍ચે વાટાઘાટોનો માર્ગ હજુ પણ ખુલ્લો છે. ઉપરાંત, વિદેશી સંસ્‍થાકીય રોકાણકારો (FII) એ પહેલાથી જ મોટાભાગની ટેરિફ પીડા સહન કરી છે કારણ કે તેમણે છેલ્લા ૮ દિવસમાં સતત વેચાણ દરમિયાન શેરબજારમાંથી લગભગ ૨૫,૦૦૦ કરોડ રૂપિયા પાછા ખેંચી લીધા છે. આવી સ્‍થિતિમાં, બજારમાં વેચાણનું વર્ચસ્‍વ રહ્યું નથી.