ચિત્તોડગઢઃ તા. ૭, રાજસ્‍થાનના ચિત્તોડગઢ જિલ્લાના ડુંગલાના રહેવાસી એક ઉદ્યોગપતિએ મેવાડના પ્રખ્‍યાત શ્રી સાંવલિયા શેઠના દરબારમાં એવી ભેટ આપી કે લોકો આﾍર્યચકિત થઈ ગયા.

પોતાની એક માનતા પૂર્ણ થવા પર, તેમણે ૫૬ ભોગ સાથે ચાંદીનો બનેલો પેટ્રોલ પંપ ભેટમાં આપ્‍યો. વાસ્‍તવમાં, ઉદ્યોગપતિના દીકરાએ પેટ્રોલ પંપ સ્‍થાપવા માટે અરજી કરી હતી પરંતુ ઘણી સમસ્‍યાઓના કારણે શફળતા મળતી નહોતી.આના પર, તે સાંવલિયા શેઠના દરબારમાં આવ્‍યો અને પ્રતિજ્ઞા લીધી કે જો તેનું ઇચ્‍છિત કાર્ય પૂર્ણ થશે, તો તે સાંવરિયા સેઠને છપ્‍પન ભોગ અને ચાંદીના બનેલા પેટ્રોલ પંપની છબી ભેટમાં આપશે.

માનતા કર્યાના થોડા દિવસોમાં જ, ભગવાન ઠાકુરજીએ તેમની ઇચ્‍છા પૂર્ણ કરી અને તાજેતરમાં જ બડી સદરી વિસ્‍તારમાં સાંવરિયા ફિલિંગ સ્‍ટેશનના નામે તેનું સત્તાવાર ઉદ્‍દ્યાટન કરવામાં આવ્‍યું. જેના કારણે, સાંવલિયા શેઠના દરબારમાં કરેલી ઇચ્‍છા પૂર્ણ થયા પછી, પરિવારના સભ્‍યો, ચાંદીના બનેલા પેટ્રોલ પંપની છબી લઈને, ડીજે સાથે નાચતા અને ગાતા શહેરમાં ફર્યા અને ઠાકુરજીના મંદિરે પહોંચ્‍યા. તેમણે ઠાકુરજીને ૫૬ ભોગ અર્પણ કર્યા અને ચાંદીના બનેલા પેટ્રોલ પંપની છબી ભેટમાં આપી. આખો પંડાલ સાવરિયા સેઠના નારાઓથી ગુંજી ઉઠ્‍યો. આના ઘણા ફોટા અને વીડિયો સામે આવ્‍યા છે જે લોકોને આશ્ચર્યચકિત કરી રહ્યા છે.