તા. ૧૩ સપ્ટેમ્બર ર૦ર૪ વિક્રમ સંવત ર૦૮૦ ભાદરવા સુદ -૧૦, શુક્રવાર
ડ્રોનની દુનિયામાં ચીન ધૂમ મચાવશે : એક ભયાવહ શસ્ત્ર, તૈયાર કરશે
આ ડ્રોન મચ્છર કરતા પણ નાનું હશે : તેના દ્વારા ખતરનાક વસ્તુઓનું પરિવહન અને જીવલેણ વાયરસ પણ મોકલી શકાય
બીજીંગ, તા.૨૬: ચીને તાજેતરમાં એક ડ્રોનનો નમૂનો રજૂ કર્યો છે જે ડ્રોનની દુનિયામાં હલચલ મચાવી શકે છે. ચીન તેના ખાસ મિશનને પાર પાડવા માટે આવા ડ્રોન વિકસાવવા જઈ રહ્યું છે, જેનું કદ મચ્છર કરતા પણ નાનું હશે. નિષ્ણાતો પહેલાથી જ તેના નાના કદ અને પહોંચ વિશે ચેતવણીઓ આપી રહ્યા છે.
તાજેતરમાં, ચીનના સરકારી મીડિયાએ આ સંબંધિત એક વીડિયો શેર કર્યો છે. વીડિયોમાં, વૈજ્ઞાનિકો મચ્છર જેવા રોબોટને પકડીને જોવા મળે છે. તેમનું કહેવું છે કે આ ડ્રોન ઘણા પ્રકારના લશ્કરી અને અન્ય મિશન માટે યોગ્ય રહેશે. નિષ્ણાતો માને છે કે આવા ડ્રોનનો ઉપયોગ લોકોની ખાનગી વાતચીત સાંભળવા, લોકોને ટ્રેક કરવા અથવા પાસવર્ડ ચોરી કરવા માટે થઈ શકે છે.
સંરક્ષણ નિષ્ણાત ટીમોથી હીથે ચેતવણી આપી છે કે આવા ઉપકરણોનો ઉપયોગ પાસવર્ડ જેવી વ્યક્તિગત માહિતી ચોરી કરવા માટે થઈ શકે છે. ગૂગલ સાથે કામ કરી ચૂકેલા ટ્રેસી ફોલોસે ચેતવણી આપી છે કે ડ્રોન દ્વારા ખતરનાક વસ્તુઓનું પરિવહન કરી શકાય છે. તેમણે કહ્યું કે શકય છે કે તેના દ્વારા ઘાતક વાયરસ પણ મોકલી શકાય.
નિષ્ણાતો એમ પણ કહે છે કે તે વધુ ખતરનાક છે કારણ કે તે સામાન્ય મચ્છર અથવા જંતુ જેવું દેખાશે અને તેને ટ્રેક કરવું અશકય હશે.
(3:54 PM IST)
છેલ્લા 8 દિવસમાં સૌથી લોકપ્રિય 
