તા. ૧ સપ્ટેમ્બર ર૦ર૬ વિક્રમ સંવત ર૦૮૨ શ્રાવણ વદ – ૪ મંગળવાર
ઉધમપુરમાં સુરક્ષાદળો - આતંકીઓ વચ્ચે અથડામણઃ સમગ્ર વિસ્તારનો ઘેરાવો : ગોળીબાર ચાલુ
સર્ચ ઓપરેશન શરૂ : ૨ થી ૩ આતંકીઓને ઘેરી લીધા
જમ્મુ, તા.૨૬: અમરનાથ યાત્રા શરૂ થવાના એક અઠવાડિયા પહેલા જ જમ્મુ-કાશ્મીરના ઉધમપુર જિલ્લાના બસંતગઢ વિસ્તારમાં સુરક્ષા દળો અને આતંકવાદીઓ વચ્ચે એન્કાઉન્ટર શરૂ થયું છે. સૂત્રોના જણાવ્યા અનુસાર, વિસ્તારમાં ભારે ગોળીબાર ચાલી રહ્યો છે અને સુરક્ષા દળોએ સમગ્ર વિસ્તારને ઘેરી લીધો છે. પ્રાપ્ત માહિતી અનુસાર, ૨-૩ આતંકવાદીઓને ઘેરી લેવામાં આવ્યા છે. સુરક્ષા એજન્સીઓને આજે સવારે વિસ્તારમાં શંકાસ્પદ ગતિવિધિઓ વિશે માહિતી મળી હતી, ત્યારબાદ એક ખાસ સર્ચ ઓપરેશન શરૂ કરવામાં આવ્યું હતું. સર્ચ ઓપરેશન દરમિયાન, જંગલોમાં છુપાયેલા આતંકવાદીઓએ સુરક્ષા દળો પર ગોળીબાર શરૂ કર્યો, ત્યારબાદ એન્કાઉન્ટર શરૂ થયું.
સેના અને જમ્મુ-કાશ્મીર પોલીસની સંયુક્ત ટીમ આ ઓપરેશન હાથ ધરી રહી છે. આતંકવાદીઓ કોઈપણ દિશામાંથી ભાગી ન શકે તે માટે વિસ્તારની ઘેરાબંધી કડક કરવામાં આવી છે. વિસ્તારમાં વધારાના દળો મોકલવામાં આવ્યા છે અને ડ્રોન અને સર્વેલન્સ સાધનો દ્વારા પણ દેખરેખ રાખવામાં આવી રહી છે.
વ્હાઇટ નાઈટ કોર્પ્સે સોશિયલ મીડિયા પ્લેટફોર્મ X પર એક પોસ્ટમાં જણાવ્યું હતું કે, ૅઓપરેશન બિહાલી. ચોક્કસ ગુપ્ત માહિતીના આધારે, ભારતીય સેના અને જમ્મુ-કાશ્મીર પોલીસ દ્વારા બસંતગઢના બિહાલી વિસ્તારમાં સંયુક્ત ઓપરેશન શરૂ કરવામાં આવ્યું હતું. આતંકવાદીઓ સાથે એન્કાઉન્ટર ચાલુ છે.ૅ
અમરનાથ યાત્રા ૩ જુલાઈથી શરૂ થઈ રહી છે, જે ૯ ઓગસ્ટના રોજ સમાપ્ત થશે. લાખો શ્રદ્ધાળુઓ ત્યાં પહોંચશે તેવી અપેક્ષા છે. યાત્રા રૂટ અને આસપાસના વિસ્તારોમાં સુરક્ષા વ્યવસ્થા વધુ મજબૂત બનાવવામાં આવી રહી છે.
(3:53 PM IST)
છેલ્લા 8 દિવસમાં સૌથી લોકપ્રિય 
