તા. ૧૨ નવેમ્બરે ર૦ર૫ વિક્રમ સંવત ર૦૮૨ કારતક વદ – ૮ બુધવાર
માતા વગર બે પુરૂષો થકી પહેલી વાર બાળકનો જન્મ
ચીની વૈજ્ઞાનિકોએ વિશ્વમાં ઇતિહાસ રચ્યો : એવું કંઈક સિદ્ધ કર્યું છે જે કોઈએ વિચાર્યું પણ ન હતું વૈજ્ઞાનિકોએ બે નર ઉંદરના શુક્રાણુમાંથી સ્વસ્થ બાળકો ઉત્પન્ન કર્યા
બીજીંગ, તા.૨૬: આ વખતે વિજ્ઞાને પ્રકૃતિના બધા નિયમોને પાર કરી દીધા છે. ચીનની જિયાઓટોંગ યુનિવર્સિટીના વૈજ્ઞાનિકોએ એક એવો ઉંદર બનાવ્યો છે જે ફક્ત બે નર ઉંદરના ડીએનએમાંથી જનમ્યો છે એટલે કે તેની કોઈ માતા નથી. આ અભ્યાસ ૨૩ જૂન ૨૦૨૫ ના રોજ પ્રખ્યાત વૈજ્ઞાનિક જર્નલ પ્રોસીડિંગ્સ ઓફ ધ નેશનલ એકેડેમી ઓફ સાયન્સિસ (PNAS) માં પ્રકાશિત થયો છે.
આ અનોખો ચમત્કાર કેવી રીતે થયો? : આ પ્રયોગને સફળ બનાવવા માટે, વૈજ્ઞાનિકોની ટીમે એપિજેનેટિક પ્રોગ્રામિંગ પેટર્નમાં ફેરફાર કર્યો અને એક નવી પદ્ધતિ અપનાવી. તમને જણાવી દઈએ કે મિથાઈલેશનની પ્રક્રિયામાં, ડીએનએની પ્રવળત્તિ નિયંત્રિત થાય છે પરંતુ તે ડીએનએ ક્રમને અસર કરતું નથી. આમાં, એક પ્રયોગશાળામાં ઉછરેલા ઉંદર અને બીજા થાઇલેન્ડના જંગલી ઉંદરની જાતિનો ઉપયોગ કરવામાં આવ્યો હતો. આ માટે, પહેલા ઇંડામાંથી જીનોમ દૂર કરવામાં આવ્યો અને તેમાં ૨ પુરુષ શુક્રાણુઓ દાખલ કરવામાં આવ્યા. આમાંથી એકનું મિથાઈલેશન પેટર્નસ્ત્રી ડીએનએ જેવું જ બનાવવામાં આવ્યું હતું.
૨૦ વર્ષનું સંશોધન : આ પ્રક્રિયા દ્વારા ત્રણ બાળકોનો જન્મ થયો. તેમાંથી એક કદમાં મોટો હતો અને તેથી બીજા દિવસે તેનું મળત્યુ થયું. ૨૦૦૪ માં, જાપાનમાં બે માદા ઉંદરોમાંથી બાળકોનો જન્મ થયો હતો. પરંતુ આ પહેલી વાર છે જ્યારે બે નરમાંથી બાળકનો જન્મ થયો હોય. આ વખતે, ચીની વૈજ્ઞાનિકોએ જનીન ડિલીશનને બદલે મિથાઈલેશન દ્વારા એપિજેનેટિક રિપ્રોગ્રામિંગ કર્યું, જેના પરિણામે ગર્ભ સ્વસ્થ બન્યો.
આ સાબિત કરે છે કે સસ્તન પ્રાણીઓમાં સિંગલપ્રસેક્સ પ્રજનન માટે સૌથી મોટો અવરોધ જીનોમિક ઇમ્પ્રિન્ટિંગ છે, અને હવે તેને દૂર કરી શકાય છે, યુનિવર્સિટી કોલેજ લંડનના એસોસિયેટ પ્રોફેસર હેલેન ઓઁનીલે જણાવ્યું હતું. જોકે, વૈજ્ઞાનિકોએ એ પણ સ્પષ્ટ કર્યું છે કે આ ટેકનોલોજીનો ઉપયોગ મનુષ્યો પર થઈ શકશે નહીં. ભલે આ સફળતા માનવજાત માટે ઉપયોગી ન હોય, તે પ્રજનન જીવવિજ્ઞાન, આનુવંશિક વંધ્યત્વ અને ક્લોનિંગ જેવા ક્ષેત્રોમાં નવા માર્ગો ખોલશે
(2:38 PM IST)
છેલ્લા 8 દિવસમાં સૌથી લોકપ્રિય 
