વિદેશ કરતા ભારતમાં લોકો વધુ સારું જીવન જીવે છે
એક NRIએ સોશિયલ મીડિયા પર પોસ્ટ કરેલા પોતાના વિડીયોમાં પશ્ચીમી દેશો કરતા ભારતમાં જીવન ધોરણ કેમ સારું છે તે જણાવતા ઘણા કારણો રજૂ કર્યા
નવી દિલ્હી તા.૪: ઈન્ડિયામાં હાલમાં મોટાભાગના યુવાનો તક મળે તો વિદેશ જવા ઈચ્છે છે. તેમને ઈન્ડિયા કરતા વિદેશની દરેક વસ્તુ વધુ સારી લાગી રહી છે. વિદેશ જવા ઈચ્છતા લોકોનું માનવું છે કે, અમેરિકા, ઓસ્ટ્રેલિયા, કેનેડા, ન્યૂઝીલેન્ડ જેવા દેશો ઈકોનોમીની દ્રષ્ટિએ તો આગળ જ છે જ પણ ત્યાંની કાયદો-વ્યવસ્થા અને લાઈફ સ્ટાઈલ પણ ઈન્ડિયા કરતા ઘણી સારી છે. પરંતુ એક NRIનું કંઈક અલગ જ કહેવું છે. તેનું કહેવું છે કે, વિદેશમાં રહેતા લોકો કરતા ઈન્ડિયામાં રહેતા લોકો વધુ સારું જીવન જીવી રહ્યા છે. તેમની આ પોસ્ટ ઘણી વાયરલ થઈ રહી છે.
સોશિયલ મીડિયા પ્લેટફોર્મ એક્સ પર પોસ્ટ કરેલા પોતાના વિડીયોમાં ૩૦ વર્ષના એક NRIએ વિદેશ કરતા ઈન્ડિયા કેમ સારું હોવાની પોતાની વાત સાબિત કરવા માટે ઘણા કારણો રજૂ કર્યા છે. તેનું કહેવું છે કે, ઈન્ડિયા ઘણી બાબતોમાં વિકસીત દેશો કરતા સસ્તી, વધુ સુવિધાજનક અને સેવા લક્ષી લાઈફસ્ટાઈલ પૂરી પાડે છે.
આ NRIનું કહેવું હતું કે, ઈન્ડિયામાં ઘરઘાટી, સસ્તું કેબલ ટીવી, ન્યૂઝ પેપરની ડિલિવરી અને લાઈટ ગ્રોસરી એપની સ્પીડ જેવી સર્વિસ ઘણી સરળ રીતે મળી રહે છે. તેનું કહેવું છે કે, અમેરિકા અને કેનેડા જેવા દેશોમાં આ બધી સર્વિસ લક્ઝરી મનાય છે, કેમકે ત્યાં તેના માટે ઘણા પૈસા ચૂકવવા પડે છે અને મેનપાવરની પણ અછત છે. તેનું કહેવું હતું કે, વેસ્ટર્ન કન્ટ્રીઝમાં હજુ તો ૧૦ મિનિટમાં ગ્રોસરી ઘરે પહોંચાડે તેવી એપનું ટેસ્ટિંગ થઈ રહ્યું છે અને ઈન્ડિયામાં મોટા શહેરોમાં તો તે શરૂ પણ થઈ ગઈ છે.
એક્સ પર @sathyashrii હેન્ડલથી કરાયેલી પોસ્ટમાં જણાવ્યું હતું કે, ઈન્ડિયા કોઈ શોરબકોર વિના લાઈફને સુવિધાજનક અને સરળ બનાવી રહ્યું છે. તેનું કહેવું હતું કે,ઈન્ડિયામાં રીચ કન્ટ્રીઝ કરતા વધુ ઝડપી અને સુવિધાજનક રીતે ઘરે બેઠાં ન્યૂઝ પેપર, ફૂડની ડિલિવરી અને લોજિસ્ટિક સર્વિસ મળે છે
તેનું એવું પણ કહેવું હતું કે, હેલ્થકેરની બાબતમાં પણ કેટલાક અમેરિકન્સને નસીબ છે તેવા લાભ ઈન્ડિયામાં મળી રહ્યા છે. ભારતમાં ડોક્ટર્સની અપોઈન્ટમેન્ટ્સ, ડાયગ્નોસ્ટિક ટેસ્ટ્સની સુવિધા, દવાઓ સામાન્ય રીતે ઝડપથી અને સસ્તી મળી રહે છે. તેણે જણાવ્યું હતું કે, અમેરિકામાં સ્પેશ્યાલિસ્ટ ડોક્ટરની અપોઈન્ટમેન્ટ મળવામાં ઘણા સપ્તાહ લાગી જાય છે અને તેમનો ચાર્જ પણ ઘણો વધારે હોય છે, જ્યારે ઈન્ડિયામાં એક જ દિવસમાં અને પ્રમાણમાં ઘણા સસ્તામાં કામ થઈ જાય છે. ભારત મેડિકલ ટુરિઝમનું ડેસ્ટિનેશન બની ગયું છે કેમકે અહીં વેસ્ટર્ન કન્ટ્રીઝ કરતા અડધા ભાવે ક્વોલિટી ટ્રીટમેન્ટ મળે છે.
આ NRIનું કહેવું હતું કે, ભારતમાં મળતી સસ્તી અને ઘણી બધી સેવાઓ રોજિંદા જીવનને એવું બનાવે છે કે જે વેસ્ટર્ન કન્ટ્રીમાં રહેતા ઘણા લોકોને આ?ર્યચકિત કરી દે છે. આ ઉપરાંત પણ તેણે ઈન્ડિયાના વખાણ કરતી ઘણી બધી વાતો કરી છે. તેણે જણાવ્યું હતું કે, કેટલાક વિકસીત દેશો વધતા ખર્ચા, ગીચ ઈન્ફ્રાસ્ટ્રક્ચર અને ધીમી ડિલિવરી સર્વિસીસની સમસ્યાનો સામનો કરી રહ્યા છે, ત્યારે ઈન્ડિયામાં કન્ટેમ્પરરી જીવન માત્ર સુલભ જ નહીં પણ સરળ પણ છે
(10:00 AM IST)
છેલ્લા 8 દિવસમાં સૌથી લોકપ્રિય 
