News of Tuesday, 20th May 2025
સલૂન કર્મચારીનું શરમજનક કૃત્ય :ક્રીમમાં થૂંક ભેળવીને ગ્રાહકને માલિશ કરી: વિડિઓ વાયરલ થયા બાદ ધરપકડ
ગાઝીયાબાદના વેવ સિટીમાં ડ્રીમ હોમ્સ સોસાયટીમાં સ્થિત લેવલ-અપ સલૂનમાં બની ઘટના :આરોપી અરશદ અલી ડાસનાની અસલમ કોલોનીનો રહેવાસી

ગાઝિયાબાદમાં એક સલૂન કર્મચારીનો શરમજનક કૃત્ય કરતો વિડિયો વાયરલ થઈ રહ્યો છે. આ વિડિયોમાં સલૂન કર્મચારી ક્રીમમાં થૂંક ભેળવીને ગ્રાહકને માલિશ કરતો જોવા મળે છે. આ કેસમાં પોલીસે ઝડપી કાર્યવાહી કરી અને આરોપીની ધરપકડ કરી. આરોપીએ પોલીસ સમક્ષ પોતાનો ગુનો કબૂલી લીધો છે અને માફી માંગી છે. પોલીસે આરોપીની ઓળખ અરશદ અલી તરીકે કરી છે, જે ડાસનાની અસલમ કોલોનીનો રહેવાસી છે.
મળતી માહિતી મુજબ, વેવ સિટીના એક સલૂનમાં કામ કરતા એક વ્યક્તિએ ક્રીમમાં થૂંક ભેળવીને ગ્રાહકને માલિશ કરી. આ ઘટનાનો વિડિયો સોશિયલ મીડિયા પર વાયરલ થયો હતો. વેવ સિટીના એસીપી પ્રિયશ્રી પાલે જણાવ્યું હતું કે વિડિયોને ધ્યાનમાં લેવામાં આવ્યો છે અને તપાસ શરૂ કરવામાં આવી છે.
તપાસ દરમિયાન જાણવા મળ્યું કે આ ઘટના વેવ સિટીમાં ડ્રીમ હોમ્સ સોસાયટીમાં સ્થિત લેવલ-અપ સલૂનમાં બની હતી. વેવ સિટીના એસીપી પ્રિયશ્રી પાલે જણાવ્યું કે વિડિયોમાં એક યુવક સલૂનમાં એક ગ્રાહકના ચહેરા પર ક્રીમ લગાવી રહ્યો હતો. તે ક્રીમ લગાવતા પહેલા તેમાં થૂંકી રહ્યો હતો. પોલીસે આરોપીની ધરપકડ કરી છે.
પૂછપરછ દરમિયાન અરશદે જણાવ્યું કે તે લેવલ-અપ સલૂનમાં કામ કરે છે. તેણે સ્વીકાર્યું કે તેણે ક્રીમમાં થૂંક ભેળવીને ગ્રાહકને માલિશ કરી હતી. તેણે પોલીસની માફી પણ માંગી. આરોપીએ હજુ સુધી ખુલાસો કર્યો નથી કે તેણે આવું કેમ કર્યું. પોલીસ તેની પૂછપરછ કરી રહી છે.
(12:40 AM IST)









છેલ્લા 8 દિવસમાં સૌથી લોકપ્રિય 
