News of Monday, 19th May 2025
હિમાચલમાં ચંબામાં ભૂકંપના આંચકા અનુભવાયા : ચંબામાં 3.3 ની તીવ્રતાનો ભૂકંપ : લોકોમાં ફફડાટ
ભૂકંપનું કેન્દ્ર ચંબા જિલ્લામાં 5 કિલોમીટર નીચે હતું: ભૂકંપના આંચકા અનુભવાતા જ લોકો પોતાના ઘરની બહાર નીકળી આવ્યા.

સોમવારે હિમાચલ પ્રદેશના ચંબામાં ભૂકંપના આંચકા અનુભવાયા હતા. નેશનલ સેન્ટર ફોર સિસ્મોલોજી (NCS) અનુસાર, સોમવારે હિમાચલ પ્રદેશના ચંબામાં 3.3 ની તીવ્રતાનો ભૂકંપ આવ્યો હતો.
નેશનલ સેન્ટર ફોર સિસ્મોલોજી (NCS) અનુસાર, સોમવારે (19 ફેબ્રુઆરી) હિમાચલ પ્રદેશના ચંબામાં 3.3 ની તીવ્રતાનો ભૂકંપ આવ્યો હતો. ચંબાના લોકોએ સવારે 10:44 વાગ્યે ભૂકંપનો આંચકો અનુભવ્યો. ભૂકંપનું કેન્દ્ર ચંબા જિલ્લામાં 5 કિલોમીટર નીચે હતું. ભૂકંપના આંચકા અનુભવાતા જ લોકો પોતાના ઘરની બહાર નીકળી આવ્યા.
આ પહેલા 13 એપ્રિલે હિમાચલ પ્રદેશના મંડી જિલ્લાના સુંદરનગરમાં ભૂકંપના આંચકા અનુભવાયા હતા. તે દિવસે આવેલા ભૂકંપની તીવ્રતા રિક્ટર સ્કેલ પર 3.4 માપવામાં આવી હતી. ભૂકંપનું કેન્દ્ર પૃથ્વીની સપાટીથી લગભગ 7 કિલોમીટર નીચે હતું.
અફઘાનિસ્તાનમાં પણ આજે (સોમવારે) સવારે 8:54 વાગ્યે ભૂકંપના આંચકા અનુભવાયા. રિક્ટર સ્કેલ પર તેની તીવ્રતા 4.2 માપવામાં આવી હતી. આ ભૂકંપ અફઘાનિસ્તાન અને પાકિસ્તાન સરહદની ખૂબ નજીક જોવા મળ્યો હતો.
રવિવારે રાત્રે પાકિસ્તાનના કેટલાક ભાગોમાં ભૂકંપના આંચકા અનુભવાયા હતા. તેની તીવ્રતા 4.7 માપવામાં આવી હતી, જોકે મહત્વની વાત એ છે કે કોઈ નુકસાનના સમાચાર નથી. ગયા સોમવારે પણ પાકિસ્તાનમાં ભૂકંપ આવ્યો હતો. છેલ્લા 15 દિવસમાં અહીં 3 ભૂકંપ આવ્યા છે. પાકિસ્તાનની સાથે, તાજેતરમાં ચીન અને મ્યાનમારમાં પણ ભૂકંપ આવ્યા હતા.
(2:03 PM IST)









છેલ્લા 8 દિવસમાં સૌથી લોકપ્રિય 
