ભારત અને પાકિસ્તાન વચ્ચે યુદ્ધવિરામ પર કરાર હોવા છતાં, પાકિસ્તાને શનિવારે સાંજે સરહદી વિસ્તારોમાં ગોળીબાર શરૂ કર્યો. સાવચેતીના પગલા તરીકે, ફિરોઝપુર, મોગા, ગુરદાસપુર અને પઠાણકોટ જિલ્લા વહીવટીતંત્રે લોકોને રવિવારે રાત્રે 8 વાગ્યા સુધી વીજળી બંધ રાખવા અને ખૂબ જ જરૂરી હોય તો જ ઘરની બહાર નીકળવાની સૂચના આપી છે. 

ખુબ જ જરૂરી ન હોય ત્યાં સુધી બહાર ન નીકળવાની સલાહ આપી છે. આ ઉપરાંત લોકોને શાંતિ જાળવવા અપીલ કરવામાં આવી છે.


હાલમાં રવિવાર સવારથી સરહદ પર પરિસ્થિતિ શાંતિપૂર્ણ છે. પાકિસ્તાન તરફથી કોઈ ગોળીબાર થયો નથી. માહિતી આપતાં જિલ્લા વહીવટીતંત્રે જણાવ્યું હતું કે હાલમાં પરિસ્થિતિ શાંતિપૂર્ણ છે. કોઈ પણ ખતરાના કિસ્સામાં, માહિતી આપવામાં આવશે. તેવી જ રીતે, ગુરદાસપુરમાં પણ આવતીકાલે શાળાઓ બંધ રહેશે. આ ઉપરાંત, પઠાણકોટમાં પણ આવતીકાલે શાળાઓ બંધ રહેશે

.ભારત અને પાકિસ્તાન વચ્ચે યુદ્ધવિરામ બાદ પંજાબમાં પરિસ્થિતિ સામાન્ય થવા લાગી છે. પંજાબ સરકારે સોમવારથી રાજ્યભરની તમામ શૈક્ષણિક સંસ્થાઓ, શાળાઓ, કોલેજો અને યુનિવર્સિટીઓ ફરીથી ખોલવાનો નિર્ણય લીધો છે, પરંતુ સરહદી વિસ્તારોમાં હજુ પણ થોડી સાવધાની રાખવામાં આવી રહી છે.