નવી દિલ્હી : ભારતીય રેલ્વેએ પાકિસ્તાની ગુપ્તચર એજન્સી ISIS દ્વારા લશ્કરી ટ્રેનોની અવરજવરની શોધ અંગે કર્મચારીઓને ચેતવણી આપતા કહ્યું છે કે, મિલ રેલના રહસ્યો ગુપ્ત રાખવા જોઈએ. અત્રે ઉલ્લેખનીય છે કે, મિલ રેલ ભારતીય રેલ્વેની એક વિશેષ શાખા છે. જે સંરક્ષણ દળોને લોજિસ્ટિક્સ સપોર્ટ પૂરો પાડે છે.

  ભારતીય રેલ્વેએ પાકિસ્તાની ગુપ્તચર એજન્સી ISIS દ્વારા લશ્કરી ટ્રેનોની અવરજવરની શોધ અંગે કર્મચારીઓને ચેતવણી આપતા કહ્યું છે કે, મિલ રેલના રહસ્યો ગુપ્ત રાખવા જોઈએ. અત્રે ઉલ્લેખનીય છે કે, મિલ રેલ ભારતીય રેલ્વેની એક વિશેષ શાખા છે. જે સંરક્ષણ દળોને લોજિસ્ટિક્સ સપોર્ટ પૂરો પાડે છે.

રેલવે બોર્ડ દ્વારા તમામ રેલ્વે ઝોનના પ્રિન્સિપલ ચીફ ઓપરેટિંગ મેનેજરોને મોકલવામાં આવેલા સંદેશમાં કહેવામાં આવ્યું છે કે, 'પાકિસ્તાની ગુપ્તચર એજન્સીઓ (ISI) રેલ્વે અધિકારીઓને ફોન કરીને લશ્કરી વિશેષ ટ્રેનોની અવરજવર વિશે ગુપ્ત માહિતી માંગી શકે છે. રેલવે અધિકારીઓ દ્વારા મિલ રેલ સ્ટાફ (રેલ્વેની લશ્કરી શાખા) સિવાય કોઈપણ અનધિકૃત વ્યક્તિને આવી માહિતી જાહેર કરવી એ સુરક્ષાનો ભંગ માનવામાં આવશે અને રાષ્ટ્રીય સુરક્ષા માટે ગંભીર ખતરો હશે.

મિલ રેલ ભારતીય રેલ્વેની એક વિશેષ શાખા છે. જે સંરક્ષણ દળોને લોજિસ્ટિક્સ સપોર્ટ પૂરો પાડે છે. તેમાં કહેવામાં આવ્યું છે કે, 'સામાન્ય જનતાને જાણ કરવામાં આવે છે કે રેલ્વે અધિકારીઓ અને કર્મચારીઓએ લશ્કરી વિશેષ ટ્રેનોની અવરજવર વિશેની માહિતીના મહત્વપૂર્ણ સ્વરૂપ અને મુદ્દાની ગંભીરતાને ધ્યાનમાં રાખીને ગુપ્તતા જાળવી રાખવી જોઈએ. તે જ સમયે, રેલ્વે મંત્રાલયે વરિષ્ઠ અધિકારીઓને વિનંતી કરી છે કે તેઓ કોઈપણ પ્રકારની જાસૂસી અટકાવવા માટે તમામ કર્મચારીઓને જરૂરી માર્ગદર્શિકા આપે. આ નોંધમાં જણાવાયું છે કે જો કોઈ રેલ્વે સ્ટાફ લશ્કરી અવરજવર વિશે માહિતી ઇચ્છે છે, તો અનધિકૃત વ્યક્તિઓને કોઈ માહિતી આપવી જોઈએ નહીં.