તા. ૧૦ જાન્યુઆરી ર૦ર૫ વિક્રમ સંવત ર૦૮૧ પોષ સુદ – ૧૧ શુક્રવાર
જંગ પહેલા જ પાકિસ્તાને ‘યુધ્ધવિરામ' જાહેર કર્યુઃ ગાલે તમાચો પડતા હવે ડાહી-ડાહી વાતો
પાક સંરક્ષણ મંત્રી બોલ્યા... અમે કંઈ નહી કરીએ
નવી દિલ્હી, તા.૭: યુદ્ધ શરૂ થયા પહેલા ભારતને પરમાણુ બોમ્બની ધમકી આપનાર પાકિસ્તાન હવાઈ હુમલા બાદ ઘૂંટણિયે પડી ગયું છે. ભારતીય સેનાની લશ્કરી કાર્યવાહી બાદ તે પાછળ પડી ગયું છે. યુદ્ધ પહેલા પણ પાકિસ્તાન ‘યુદ્ધવિરામ' માટે સંમત થયું છે.
પાકિસ્તાનના સંરક્ષણ પ્રધાન ખ્વાજા આસિફે કહ્યું હતું કે અમે આપણી જાતને સુરક્ષિત રાખીશું. પાકિસ્તાની પ્રદેશ પર ભારતના હુમલા બાદ એક ટીવી ચેનલને આપેલા ઇન્ટરવ્યુમાં, પાકિસ્તાની સંરક્ષણ પ્રધાને કહ્યું છે કે જો ભારત આગળ કોઈ કાર્યવાહી નહીં કરે તો અમે પણ કંઈ કરીશું નહીં. ખ્વાજા આસિફે એમ પણ કહ્યું હતું કે અમે આનો યોગ્ય જવાબ આપીશું. પાકિસ્તાની સંરક્ષણ પ્રધાન ખ્વાજા આસિફનો યોગ્ય જવાબ આપવાનો ઘમંડ થોડા કલાકોમાં જ ગાયબ થઈ ગયો.
હવે તે કહેવા લાગ્યા છે કે જો ભારત બીજી કોઈ કાર્યવાહી નહીં કરે તો તે કંઈ કરશે નહીં.
ઓપરેશન સિંદૂર હેઠળ, ભારતે પાકિસ્તાન અને પાકિસ્તાન અધિકળત કાશ્મીરમાં સ્થિત જૈશ-એ-મોહમ્મદ અને લશ્કર-એ-તૈયબા જેવા આતંકવાદી સંગઠનોના ૯ ઠેકાણાઓ પર હુમલો કરીને નાશ કર્યો. આ લશ્કરી કાર્યવાહીમાં લગભગ ૯૦ આતંકવાદીઓ માર્યા ગયા હોવાની પુષ્ટિ થઈ છે.
હુમલા પછી, પાકિસ્તાન પાછળ પડી ગયું છે. અત્યાર સુધી પરમાણુ હુમલા અને કડક જવાબ આપવાની ધમકી આપતું પાકિસ્તાન હવે રક્ષણાત્મક વલણ અપનાવતું જોવા મળી રહ્યું છે. કેટલાક વિશ્લેષકોએ ભારતની આ લશ્કરી કાર્યવાહીને બંને દેશો વચ્ચે સંભવિત યુદ્ધની શરૂઆતના સંકેત તરીકે જોઈ હતી. પરંતુ પાકિસ્તાને આ પહેલા પણ યુદ્ધવિરામની જાહેરાત કરી હતી.
પાકિસ્તાનના સંરક્ષણ પ્રધાન ખ્વાજા આસિફે એક ટીવી ચેનલને આપેલા ઇન્ટરવ્યુમાં કહ્યું હતું કે, જો ભારત આગળ કોઈ કાર્યવાહી નહીં કરે, તો અમે પણ કંઈ કરીશું નહીં. જોકે, શરૂઆતમાં ખ્વાજા આસિફે ભારત પર રહેણાંક વિસ્તારોને નિશાન બનાવવાનો આરોપ લગાવ્યો હતો અને કહ્યું હતું કે ભારતે તેના હવાઈ ક્ષેત્રથી આ હુમલો કર્યો છે.
તેમણે ચેતવણી પણ આપી હતી કે પાકિસ્તાન યોગ્ય જવાબ આપશે પરંતુ કલાકોમાં જ પોતાનો સૂર બદલી નાખ્યો હતો, અને સ્પષ્ટ કર્યું હતું કે જ્યાં સુધી ભારત આગળ કોઈ કાર્યવાહી નહીં કરે ત્યાં સુધી પાકિસ્તાન કંઈ કરશે નહીં.
(3:46 PM IST)
છેલ્લા 8 દિવસમાં સૌથી લોકપ્રિય 
