૨૦૧૯ કરતા પણ મોટો હુમલોઃ તૈયબાનું મુખ્ય મથકઃ મસૂદ અઝહરના ચાર મદરેસાઓનો નાશ
ભારતે પીઓકેમાં ૯ સ્થળોએ પાકિસ્તાની ઠેકાણાઓ પર હુમલો કર્યોઃ ભારતે જે સ્થળો પર હુમલો કર્યો છે તેમાં બહાવલપુર, મુરીદકે, ગુલપુર, ભીમ્બર, ચક અમરુ, બાગ, કોટલી, સિયાલકોટ અને મુઝફ્ફરાબાદ છે
ઇસ્લામાબાદ/નવી દિલ્હી,તા.૦૭: ભારતે પાકિસ્તાન વિરુદ્ધ ઓપરેશન સિંદૂર લોન્ચ કર્યું છે. ભારતે પાકિસ્તાન અધિકળત કાશ્મીરમાં લશ્કર-એ-તૈયબાના મુખ્યાલયનો નાશ કર્યો છે. પાકિસ્તાની અધિકારીઓએ જણાવ્યું હતું કે ભારતે બુધવારે સવારે પાકિસ્તાનના નિયંત્રણ હેઠળના અનેક વિસ્તારો પર મિસાઇલો ચલાવી હતી જેમાં એક બાળક સહિત ઓછામાં ઓછા આઠ લોકો માર્યા ગયા હતા. ભારતે કહ્યું કે તેણે આતંકવાદીઓ દ્વારા ઉપયોગમાં લેવાતા માળખાગત સુવિધાઓ પર હુમલો કર્યો. ભારતે કહ્યું છે કે લશ્કર-એ-તૈયબાના આતંકવાદી ઠેકાણા મરકઝ-એ-તૈયબાને ઉડાવી દેવામાં આવ્યું છે. ગયા મહિને પહેલગામ આતંકવાદી હુમલા બાદ ભારતે આ કડક કાર્યવાહી કરી છે. ભારતે આ હુમલો પીઓકેના મુરિદકેમાં કર્યો છે, જ્યાં આતંકવાદીઓને તાલીમ આપવામાં આવતી હતી.
ગયા મહિને ભારત-નિયંત્રિત કાશ્મીરમાં પ્રવાસીઓના હત્યાકાંડ બાદ બંને દેશો વચ્ચે તણાવ વધી રહ્યો છે અને હવે ભારતે કડક કાર્યવાહી કરી છે. ભારતે આતંકવાદી હુમલાને સમર્થન આપવા માટે પાકિસ્તાન પર આરોપ લગાવ્યો છે, જેનો ઇસ્લામાબાદે ઇનકાર કર્યો છે. પાકિસ્તાનના વડા પ્રધાન શાહબાઝ શરીફે બુધવારે થયેલા ભારતીય હુમલાઓની નિંદા કરતા કહ્યું કે વિશ્વાસઘાત દુશ્મને પાકિસ્તાનમાં પાંચ સ્થળોએ કાયરતાપૂર્ણ હુમલા કર્યા છેૅ અને તેમનો દેશ તેનો બદલો લેશે. શાહબાઝ શરીફે કહ્યું, ભારત દ્વારા લાદવામાં આવેલા આ યુદ્ધના કળત્યનો પાકિસ્તાનને કડક જવાબ આપવાનો સંપૂર્ણ અધિકાર છે અને ખરેખર કડક જવાબ આપવામાં આવી રહ્યો છે.
ભારતે લશ્કર-એ-તૈયબાના ઠેકાણાને ઉડાવી દીધા
રિપોર્ટ અનુસાર, ભારતે પીઓકેમાં ૯ સ્થળોએ પાકિસ્તાની ઠેકાણાઓ પર હુમલો કર્યો છે. ભારતે જે સ્થળો પર હુમલો કર્યો છે તેમાં બહાવલપુર, મુરીદકે, ગુલપુર, ભીમ્બર, ચક અમરુ, બાગ, કોટલી, સિયાલકોટ અને મુઝફ્ફરાબાદ છે. જોકે, ભારતીય સંરક્ષણ મંત્રાલયે સ્પષ્ટતા કરી છે કે આ હુમલાઓ ફક્ત આતંકવાદીઓના ઠેકાણાઓ પર હતા અને પાકિસ્તાની લશ્કરી ઠેકાણાઓને કોઈ નુકસાન થયું નથી. પરંતુ ભારતે આ હુમલાને ૨૦૧૯ની સરખામણીમાં ઘણો ખતરનાક બનાવ્યો છે. ૨૦૧૯ ની સરખામણીમાં હુમલાઓનું પ્રમાણ ઘણું વધારે તીવ્ર છે. બીજી તરફ, પાકિસ્તાન તરફથી આવી રહેલા પ્રતિભાવમાં બે મસ્જિદોના વિનાશ અને ૮ નાગરિકોના મોતની વાત કરવામાં આવી રહી છે.
ભારતની આ કાર્યવાહી સ્પષ્ટ સંદેશ આપે છે કે તે આતંકવાદ સામે કડક વલણ અપનાવી રહ્યું છે. જોકે, આ પગલાથી પ્રાદેશિક તણાવ વધ્યો છે અને આંતરરાષ્ટ્રીય સમુદાયની નજર હવે ભારત અને પાકિસ્તાન પર ટકેલી છે. પાકિસ્તાને બદલો લેવાની ધમકી આપી છે અને પાકિસ્તાનની બદલો લીધા પછી ખબર પડશે કે આ તણાવ કેટલો મોટો છે. ભારતના લડાકુ વિમાનો, હવાઈ સંરક્ષણ પ્રણાલીઓ અને અન્ય તમામ શષાો પાકિસ્તાન દ્વારા કરવામાં આવતી કોઈપણ પ્રતિક્રિયાત્મક કાર્યવાહીનો કડક જવાબ આપવા માટે તૈયાર છે.
ભારતના હુમલા વિશે પ્રત્યક્ષદર્શીઓ શું કહી રહ્યા છે?
પીઓકેના રહેવાસી હાજી ગઝનફરે જણાવ્યું હતું કે, ત્યાં ૫-૭ મોટા ગોળા ફૂટયા હતા. ત્યારબાદ લોકો ભાગવા લાગ્યા. આ દરમિયાન, અમજદ મુગલે કહ્યું, અમે વિસ્ફોટનો અવાજ સાંભળ્યો અને મસ્જિદમાંથી વિસ્તાર ખાલી કરવાની જાહેરાત કરવામાં આવી રહી હતી.ૅ ઘટનાસ્થળેથી બહાર આવેલા વીડિયોમાં આતંકવાદીઓના ઠેકાણાઓનો નાશ થતો જોવા મળે છે. આતંકવાદીઓના ઠેકાણા સળગતા જોવા મળી રહ્યા છે. પાકિસ્તાનના નિયો ન્યૂઝ અનુસાર, મસૂદ અઝહરના મદરેસા પર ચાર ગોળા પડ્યા છે. જેના કારણે મદરેસા બળી રહ્યા છે. પોલીસ બચાવ કામગીરી હાથ ધરી રહી છે. નિયો ન્યૂઝે કહ્યું છે કે મોટી સંખ્યામાં સુરક્ષા એજન્સીઓ ત્યાં પહોંચી ગઈ છે. નીઓ ન્યૂઝના રિપોર્ટર કહે છે કે ઘણા લોકો ઘાયલ થયા છે અને તેમને હોસ્પિટલમાં લઈ જવામાં આવી રહ્યા છે. શહેરના તમામ રસ્તાઓ બંધ કરી દેવામાં આવ્યા છે. રિપોર્ટરે કહ્યું છે કે મસૂદ અઝહરના ચાર મદરેસા સંપૂર્ણપણે નાશ પામ્યા છે.
(10:01 AM IST)
છેલ્લા 8 દિવસમાં સૌથી લોકપ્રિય 
