તા. ૧૬ સપ્ટેમ્બર ર૦ર૬ વિક્રમ સંવત ર૦૮૨ ભાદરવા સુદ – ૫ બુધવાર
ઓપરેશન સિંદૂરઃ ૧૯૭૧ના યુદ્ધ પછી પહેલીવાર ત્રણેય સેનાઓએ પાકિસ્તાન પર હુમલો કર્યોઃ આતંકવાદી ઠેકાણાઓનો સફાયો
પહેલગામમાં થયેલા આતંકવાદી હુમલાના જવાબમાં આ કાર્યવાહી કરવામાં આવી હતીઃ સેનાએ જૈશ-એ-મોહમ્મદ અને લશ્કર-એ-તૈયબાના ઠેકાણાઓને નિશાન બનાવ્યા :વડા પ્રધાન મોદીએ આ કામગીરી પર નજર રાખી હતી. NSA અજિત ડોભાલે અમેરિકાને આ કાર્યવાહીની જાણ કરી
નવી દિલ્હી,તા.૦૭: પહેલગામમાં થયેલા ભયાનક આતંકવાદી હુમલાના બે અઠવાડિયા પછી, ભારતીય સેના, નૌકાદળ અને વાયુસેનાએ સંયુક્ત રીતે પાકિસ્તાન અને પાકિસ્તાન અધિકળત કાશ્મીર (POK) માં નવ આતંકવાદી છાવણીઓ પર મિસાઇલ હુમલા કર્યા. ૧૯૭૧ના યુદ્ધ પછી આ પહેલી વાર છે જ્યારે ત્રણેય સેનાઓનો પાકિસ્તાન સામે એકસાથે ઉપયોગ કરવામાં આવ્યો હોય. સેનાએ આ ઓપરેશનને ઓપરેશન સિંદૂર નામ આપ્યું.
બુધવારે સવારે ૧:૪૪ વાગ્યે કાર્યવાહી કરવામાં આવી હતી. આ કાર્યવાહીમાં, ભારત પર આતંકવાદી હુમલાઓનું આયોજન અને નિર્દેશન કરનારા આતંકવાદી ઠેકાણાઓને નિશાન બનાવવામાં આવ્યા હતા. સેનાએ કહ્યું કે તેણે પાકિસ્તાની લશ્કરી સુવિધાઓને નિશાન બનાવી નથી. વડા પ્રધાન નરેન્દ્ર મોદીએ આખી રાત આ કામગીરી પર નજર રાખી. NSA અજિત ડોભાલે યુએસ NSA અને વિદેશ સચિવ માર્કો રુબિયો સાથે વાત કરી અને તેમને આ કાર્યવાહી વિશે માહિતી આપી.
સેનાના સૂત્રોના જણાવ્યા અનુસાર, હુમલામાં ભારતીય સેના, નૌકાદળ અને વાયુસેનાના સચોટ શષાોનો ઉપયોગ કરવામાં આવ્યો હતો. સૈન્યએ કામિકાઝ ડ્રોનનો પણ ઉપયોગ કર્યો. આ ડ્રોન પોતાના લક્ષ્યને સ્પર્શ્યા પછી વિસ્ફોટ કરે છે, તેમને લોઇટરિંગ એમ્યુનિશન પણ કહેવામાં આવે છે. સેનાએ કહ્યું કે તેમણે નવ સ્થળોને નિશાન બનાવ્યા. તેમણે એમ પણ કહ્યું કે કોઈ પણ પાકિસ્તાની લશ્કરી સુવિધાને નિશાન બનાવવામાં આવી નથી. સેનાએ કહ્યું કે ભારતે લક્ષ્યોની પસંદગી અને અમલ કરવામાં ખૂબ જ સંયમ દાખવ્યો.
સૂત્રોના જણાવ્યા અનુસાર, જે ૯ સ્થળોને નિશાન બનાવવામાં આવ્યા હતા તેમાં બહાવલપુરમાં જૈશ-એ-મોહમ્મદનું મુખ્ય મથક અને મુરીદકેમાં લશ્કર-એ-તૈયબાનું એક ઠેકાણું શામેલ છે. આ કાર્યવાહી પહેલગામમાં થયેલા આતંકવાદી હુમલાના જવાબમાં કરવામાં આવી હતી. તે હુમલામાં ૨૬ લોકો માર્યા ગયા હતા, જેમાં મોટાભાગના પ્રવાસીઓ હતા. પ્રધાનમંત્રી નરેન્દ્ર મોદીએ પહેલગામમાં થયેલા આતંકવાદી હુમલાનો બદલો લેવાની પ્રતિજ્ઞા લીધી હતી.
(10:00 AM IST)
છેલ્લા 8 દિવસમાં સૌથી લોકપ્રિય 
