નવી દિલ્હી : ભારત અને યુકેએ એક ઐતિહાસિક સીમાચિહ્નરૂપ પગલું ભરતાં, મહત્વાકાંક્ષી અને પરસ્પર લાભદાયી મુક્ત વેપાર કરાર (FTA) અને દ્વિ-યોગદાન સંમેલન સફળતાપૂર્વક પૂર્ણ કર્યું છે. વડાપ્રધાન નરેન્દ્ર મોદીએ આજે તેમના યુકેના સમકક્ષ કીર સ્ટારમર સાથે વાતચીત કરી હતી.
સોશિયલ મીડિયા પર એક પોસ્ટમાં મોદીએ જણાવ્યું હતું કે, આ સીમાચિહ્નરૂપ કરારો ભારત-યુકે વ્યાપક વ્યૂહાત્મક ભાગીદારીને વધુ ગાઢ બનાવશે અને બંને દેશોની અર્થવ્યવસ્થામાં વેપાર, રોકાણ, વૃદ્ધિ, રોજગાર સર્જન અને નવીનતાને વેગ આપશે. મોદીએ સ્ટારમરને ટૂંક સમયમાં ભારત આવકારવાની આશા વ્યક્ત કરી હતી.