‘જ્યાં સુધી ઈસ્લામ છે ત્યાં સુધી આતંકવાદ રહેશેઃ તસ્લીમા નસરીન
નવી દિલ્હી તા.૬: બાંગ્લાદેશમાંથી દેશનિકાલ કરાયેલી વિશ્વવિખ્યાત લેખિકા તસ્લીમા નસરીને પહેલગામ આતંકવાદી હુમલો અને ઢાકામાં ૨૦૧૬માં થયેલા આતંકી હુમલાની વચ્ચે સમાનતા હોવાનું ગણાવીને કહ્યું કે આતંકવાદ ત્યાં સુધી રહેશે જ્યાં સુધી ઇસ્લામ રહેશે.
દિલ્હીમાં એક લિટરેચર ફેસ્ટિવલના સેશનમાં તસ્લીમા નસરીને કહ્યું કે ઇસ્લામ ૧૪૦૦ વર્ષમાં પણ વિકસિત થયો નથી. જયાં સુધી આવું (ઇસ્લામ વિકસિત) નહીં થાય ત્યાં સુધી ઈસ્લામ આતંકવાદીઓને જન્મ આપતો રહેશે. ૨૦૧૬માં ઢાકાના હુમલામાં મુસ્લિમોને એટલા માટે મારી નાખવામાં આવ્યો,
કારણ કે એ કલમા પઢી શકયા નહીં. જ્યારે શ્રદ્ધાને તર્ક અને માનવતા પર હાવી થવા દેવામાં આવે છે, ત્યારે આવું જ થાય છે. તસ્લીમા નસરીને ઈશનિંદાના આરોપમાં પોતાનો દેશ છોડવા પડ્યો અને ૧૯૯૪થી સ્વીડન, અમેરિકા અને ભારતમાં શરણાર્થી તરીકે જીવન જીવી રહ્યા છે. નસરીને પોતાના વક્તવ્યમાં એમ પણ કહ્યું કે યુરોપમાં ચર્ચ સંગ્રહાલયમાં પરિવર્તિત થઈ ગયા છે, પરંતુ મુસ્લિમો દરેક જગ્યાએ મસ્જિદ બનાવવામાં વ્યસ્ત છે. હજારો મસ્જિદ છે અને એ હજુ પણ વધુને વધુ મસ્જિદ બનાવવા ઈચ્છે છે. એ જિહાદી પેદા કરે છે. મદરેસા હોવી જોઈએ નહીં. બાળકોએ તમામ પુસ્તકો વાંચવા જોઈએ, ફક્ત એક નહીં
(3:22 PM IST)
છેલ્લા 8 દિવસમાં સૌથી લોકપ્રિય 
